Футбол бўйича Англия чемпионатининг 2021/22 йилги мавсуми бошланиш санаси маълум бўлди.
Премьер Лига матбуот хизматининг хабарига кўра келаси мавсум 2021 йилнинг 14 августда бошланиб, 2022 йилнинг 22 майида якунланади.
Қайд этиш жоиз, жорий 2020/21 йилги мавсум коронавирус пандемия сабабли 12 сентябрда бошланганди, сўнгги тур ўйинлари эса 23 май санасида ўтказилиши режалаштирилган.
Эслатиб ўтамиз, 2019/20 йилги мавсумда «Ливерпуль» мусобақа ғолиблигини қўлга киритганди. 2020/21 йилги биринчиликда эса «Манчестер Сити» 30 ўйин ўтказган ҳолда 71 очко билан пешқадамлик қилмоқда. Иккинчи ўриндаги «Манчестер Юнайтед»нинг ҳисобида 57 очко бор.
Изоҳ (0)