Энг кўп лайк тўплаган, энг катта коктейл тайёрлаган: Гиннеснинг рекордлар китобидан ўрин олган жаҳон юлдузлари

Гиннеснинг рекордлар китобидан ўрин олган машҳурлар ҳақида маълумот бериб ўтамиз.

Дуэйн Жонсон

Актёр уч марта Гиннеснинг рекордлар китобига киритилган. Бунга биринчи марта 2017 йили «Чаёнлар қироли» фильмидаги роли учун рекорд даражада катта миқдорда гонорар олгани, иккинчи марта эса 2015 йилда эса уч дақиқа давомида мухлислари билан кўплаб селфига тушгани сабаб бўлган. Учинчи марта ўрин олиши эса 2017 йилда 245 кг Техас соуси — дипни тайёрлагани билан боғлиқ. Таом кейин уйсизларга бўлиб берилган.

Бен Стиллер

2016 йилда Бен дунёдаги энг узун — 8,5 метрли селфи таёқчасида суратга тушиб, тарихда қолган. Қўлбола таёқ бир нечта ойна ювишга мўлжалланган лангарчўплардан ясалган. Актёр ўз ихтиросини намойиш қилган тадбирдан кейин муваффақиятини тасдиқловчи ҳужжат топширган.

Вин Дизель

2013 йилда «Форсаж» фильми юлдузи Пол Уокер вафот этганидан кейин Дизель Facebook саҳифасида ҳамкасбига бағишлаб таъсирли пост ёзиб қолдирган. Унга ўша вақтда 8 миллиондан ортиқ лайк босилган. Айрилиққа чидаш осон бўлмаганини ёзган актёр Уолтернинг онаси билан кўришганда уни овутиш ўрнига эмоцияларини жиловлай олмаганини тан олган.

Эминем

Рэпер илк марта 2013 йилда «Rap God» қўшиғи сабаб Гиннеснинг рекордлар китобига киритилган. Унинг 6 дақиқалик қўшиғи 1560 та сўздан ташкил топган. 2018 йилда эса у ўз рекордини янгилаган ва Ники Минаж билан ижро қилган «Majesty» композициясида 12 сония давомида 123 та сўз ишлатган.

Snoop Dogg

2018 йилда ўзини бармен сифатида синаб кўрган рэпер Paradise коктейлининг дунёдаги энг катта порциясини тайёрлаган. Бунинг учун 315 литр жин, 156 литр ўрикли бренди ҳамда деярли 107 литр апельсин шарбати керак бўлган. Ичимликнинг умумий ҳажми 500 литрни ташкил қилган.

Жеки Чан

2012 йилда «Бурж операцияси» фильми прокатларга чиққанидан кейин актёр бир вақтнинг ўзида иккита жаҳон рекорди ҳақидаги сертификатга эга бўлган. Биринчиси, бир фильм доирасида максимал даражада кўп масъулиятни ўз зиммасига олгани учун. Гап шундаки, мазкур фильмда у шунчаки роль ижро қилмаган, режиссёр, продюсерлик билан шуғулланган ва умумий 15 та вазифани бажарган. Иккинчи рекорд эса Чаннинг дублёрсиз бажарган трюклари билан боғлиқ.