Ҳинд киносаноатида ўз ўрнини топган машҳурлардан айримларининг фарзанди улғайгани билан, улар ҳали ҳамон ёш ва латофатли кўринади.
Мадҳури Дикшит ва Эрин
Эриннинг олдида унинг онаси Мадҳури эканига ишониш қийин. Актриса илк марта 36 ёшида она бўлганига қарамай, ҳозир ҳеч ким унинг ёши 53 да эканини тахмин қилиб ҳам топа олмайди.
Малайка Арора ва Архан
Малайка ва унинг собиқ турмуш ўртоғи Арбааз Хон 2002 йилда илк марта ота-она бўлган. Отасига қуйиб қўйгандек ўхшайдиган Архан онасининг олдида унинг ўғли эмас, укасига ўхшайди. Актрисанинг ташқи кўринишига қараб, унинг ёши 47 да эканига ишониш қийин.
Бҳагяшри ва Абҳиманю Дассани
Бҳагяшри 1989 йил Болливуддаги дебютидан буён ўзгармагандек, гўё. 19 ёшида дунёга келтирган ўғли Абҳиманю билан бугунги кунда тенгдошдек кўринади. 25 яшар қизи Авантика билан эса уларни адаштириш ҳеч гап эмас. Фарзандлари билан жуда ҳам фахрланадиган собиқ актриса доимий равишда уларнинг суратини Instagram саҳифасига жойлаб келади.
Гаури Хон ва Арян
Арян Болливуд юлдузи Шоҳрух Хон ва унинг рафиқаси Гаурининг тўнғич фарзанди. Кўриниши моделларга ўхшайдиган, келишган ўғлининг ёнида Гаури янада ёш ва жозибали кўринади.
Твинкл Кханна ва Аарав
Актёр Акшай Кумар ва унинг турмуш ўртоғи Твинклнинг ўғли Аарав 2021 йилнинг сентябрида 19 ёшга тўлади. Онаси Ааравнинг дугонасидек ёш кўринади.
Изоҳ (0)