«Севги изтироби» сериали юлдузи Ҳазал Филиз актрисаликдан ташқари қандай бизнес билан шуғулланишини маълум қилди

«Севги изтироби» сериалида ижро қилган роли билан яхши маълум бўлган актриса Ҳазал Филиз Кучуккосе мухбирлар томонидан берилган саволларга жавоб берди.

Истанбул соҳилида ити билан сайр қилаётган актриса саволларга жавоб бериш давомида у Явуз султон ҳақидаги тарихий фильмда роль ижро қилиши керак бўлгани, аммо пандемия сабаб суратга олиш ишлари бироз муддатга ортга сурилганини маълум қилган. Актрисаликдан бошқа нимага қизиқасиз, деган саволга Ҳазал иқтисодга деб жавоб берган.

У ўзининг биржа маклери экани ҳамда жамғармасини фонд бозорида ишлатишини маълум қилган. «Аслида мен мазкур йўналишда таълим олиш ҳақида ўйлаяпман», — деган у.

Мухбирларнинг криптовалютага қизиқасизми, деган саволига: «Мен буни сотиб олиш ва сотиш деб биламан, аммо асосан фонд бозорида савдо қиламан», — деб жавоб берган.