Бугунги қаҳрамонлар Россиянинг кичик шаҳарларида дунёда келган бўлса-да, аммо бу уларнинг дунёга танилишида тўсқинлик қилмаган. Хўш, ғарбда муваффақият қозонган моделлар дастлаб қандай кўринишда бўлган?
Ирина Шейк
Дунёда энг кўп маош оладиган моделлардан бирининг ҳақиқий исми − Ирина Шайхлисломова. Ҳа, Челябинск вилоятининг Эманжелинск шаҳрида Шейк фамилияси деярли учрамайди. Гўзаллик танловларининг бирида ушбу моделга Гия Жикидзе эътибор қаратмаганида, у ўқитувчи онасининг изидан юриши тайин эди. Айнан шу сабабли Ирина моделлар оламига кириб келган. Бугунги кунда Ирина ҳақли равишда журналларнинг муқоваларини безайди ва у билан ишлаш ниятида бўлган дизайнерлар навбатда туради.
Наталья Водянова
Гия Жикидзе нафақат Иринанинг, балки Натальянинг ҳам ҳаётида катта бурилиш ясади. Қисқа муддат ичида новгородлик камбағал қиз ҳаёти тубдан ўзгарди. 11 ёшида Наталья онаси Ларисага сабзавот ва меваларни сотишда ёрдам бериш учун мактабни тарк этган. Унинг оиласи оғир мия фалажи билан туғилган кенжа қизи Оксанани даволатиш учун пулга муҳтож эди. Тенгдошлари эса қашшоқлиги учун бўлажак юлдузни масхара қилар эди. Аммо бу каби дилхираликларга қарамай, Наталья иродали бўлишга ҳаракат қилди ва моделлик карьерасини қурди. У бозордаги сотувчи қиздан дунёга таниқли юлдузга айланишга эришди. Ўзининг ғайриоддий қиёфаси ҳамда ажойиб истеъдоди туфайли Наталья − «энг юқори юлдуз» мақомига ҳам эришди.
Саша Лусс
Александра Лусс Магаданда шифокорлар оиласида туғилган. Болалигиданоқ унинг оиласи Сашага тиббиётга оид китобларни ўқитган, шунингдек, келажакда унинг шифокор бўлишини хоҳлаган. Бироқ у ота-онаси истаган касбни танламади ва 15 ёшида моделлик агентлигига мурожаат қилган. Унинг илк намойиши 2007 йилда бўлиб ўтган. Шундан сўнг модель бошқаларнинг ҳам назарига тушиб, дунёдаги энг таниқли моделларнинг бирига айланган.
Наташа Поли
Наталья Полевшикова 1985 йил Пермда дунёга келган. 2000 йилда 15 яшар Наташа моделлар танловида иштирок этиш учун Москвага жўнаб кетган. Танловда у иккинчи ўринни эгаллаган бўлса-да, кўплаб дизайнерлар эътиборига тушган. 18 ёшида унга Миландаги нуфузли моделлик агенти билан шартнома тузишни таклиф қилишди. Шундан сўнг у бирин-кетин энг машҳур брендларнинг юзига айланди.
Анна Виялицина
Аннанинг ҳам ота-онаси шифокор бўлган. 15 ёшида Анна шифокор бўла олмаслигини тушуниб етган. Шундан сўнг у Санкт-Петербургга жўнаб кетган. Уни моделлик агентлари кастингда синаб кўрган, аммо у у синовдан ўта олмаган. Шундай бўлса-да, у кўплаб ютуқларга эришди. У IMG New York − дунёнинг энг йирик моделлик агентлиги билан шартнома тузишга муваффақ бўлди.
Влада Рослякова
Владанинг оиласи ҳақида маълумотлар жуда кам. У Омскда туғилган. Владанинг моделлик фаолияти Россияда бошланган, кейинчалик Токио ва Нью-Йоркда давом этган. Айни вақтда у энг машҳурлар билан биргаликда, дунёдаги энг таниқли 30 та модель орасидан жой олган.
Изоҳ (0)