Юлдузларнинг қизил йўлакдаги энг омадсиз пардозлари (фото)

Машҳурлар қизил гилам тўшалган йўлакчадаги фотосессия учун энг яхши визажист ва стилистлар томонидан тайёрланади. Бироқ юлдузларнинг баъзи бир чиқишлари шунчаки тушунарсиз: актрисанинг ўзи ёки ёрдамчиларидан бири унинг пардози қанчалик беўхшов ва тартибсизлигини пайқамаган лаҳзалар қуйидаги суратлар сингари кадрга муҳрланади.

Женнифер Лопес

Ҳа, Женнифер Лопес худди шу макияж билан қизил йўлакка чиққан. Визажистнинг ушбу ижодини макияж деб аташ қийин: панданикига ўхшаш қора ҳалқали кўзлар, лаблар эса жигарранг қалам билан шунчалик чизилганки, ҳатто бир неча сантиметрлик жойни эгаллаган. Бу машҳур визажист Мери Филлипснинг иши эканлигига ишонгинг ҳам келмайди.

Анжелина Жоли

Кўпчилик Анжелина Жолининг ушбу «юлдузли» чиқишини ун тегганга ўхшаган юзи орқали эслайди. Шаффоф пудрани қандай ишлатишни билмасангиз, шу ҳолга ўзингиз ҳам тушишингиз аниқ. Табиий ёруғликда ҳаммаси ажойиб кўринади, лекин «вспишка»ни ёқишингиз билан кўз олдингизда макияж «схема»си яққол намоён бўлади.

Тайра Бэнкс

Тайра Бэнкснинг бу макияжини тўла маънода омадсиз чиққан дейиш мумкин. Бундай макияжни визажист яратиши мумкинлигига ишониш қийин: қошларгача етиб борган қора тен ва умумий образга мос тушмаган сиёҳранг-пушти лаб бўёғи Бенкснинг ноқулай аҳволга тушишига сабабчи бўлгандир, эҳтимол.

Николь Кидман

Шаффоф пудранинг нотўғри ишлатилганига яна бир мисол: Николь Кидман билан бундай хатолар бир неча бор юз берган. Фотосессия пайтида актриса ўзининг ажойиб кўринишига амин бўлган бўлса керак. Қизиқ, кейинроқ ушбу суратларига қараб қандай аҳволга тушган экан?

Ева Лонгория

Ева Лонгория консилер устидан шаффоф пудра суртганини унутган, шекилли. Афтидан, актриса зиёфатда папарацсилар томонидан суратга олинишини кутмаган.

Дрю Берримор

Мана, Дрю Берриморнинг машҳур чиқиши: актриса юзига шу қадар кўп пудра суртганки, ҳаттоки сочлари ҳам оқариб кетган. Ушбу макияж қизил гиламча учун мўлжалланган визажист образидан кўра, кўпроқ Helloун арвоҳини эслатади.

 Линдси Лоҳан

Баъзилар юзларини пудра ёрдамида оқартирса, Линдси Лоҳан эса аксинча, юзига ҳаддан ташқари тўқ ранг ишлатган. Актрисанинг лаблари эса шунчаки «санъат асари»!

Майли Сайрус

Кўринишидан визажист Майлининг иягини пудра билан ёпишга астойдил уринган, шекилли. Шуниси аниқки, маросимда ҳамма актрисанинг иягига қараган, чунки у ҳақиқатан ҳам «порлаб» турган.

Женнифер Гудвин

Гудвиннинг ушбу пардози креативлик макияжда ҳар доим ҳам яхши натижа бермаслигига ёрқин мисол бўла олади. Қовоқларининг қошларгача қора қалам билан туташтирилгани панда кўзларини ёдга солади.

Сиэнна Миллер

Сиэнна Миллернинг ёноқлари қизариб пишган олмага ўхшаб қолган. Шу сабабли бу рангдаги румяна актрисанинг ёшини катта кўрсатган.

Шерон Стоун

Баъзи мода брендлари тилларанг лаб бўёғини ишлаб чиқаради. Фотосуратлардаги моделларда бу ранг ажойиб кўриниши мумкин. Афтидан, Шерон Стоун ҳам уларга тақлид қилмоқчи бўлган

Келлй Осборн

Ҳозирда Келли Осборн ажойиб кўринишга эга ва ўзига ярашган образни топа олган. Аммо авваллари актриса юқоридаги макияжда ҳам намоён бўлган.