Бекободнинг «Металлург» клуби жамоада мураббийлар алмашганини маълум қилди.
Клуб матбуот хизматининг маълум қилишича, «Металлург»ни бошқариб келаётган Андрей Шипилов Суперлига 1-тури доирасида «Сурхон»га қарши ўйиндаги мағлубиятдан кейин истеъфо сўраган. Клуб мураббийнинг сўровини қабул қилган. Шипилов 2018 йилда бекободликлар бошқарувига тайинланганди.
Шипилов ўрнини «Пахтакор» собиқ ёрдамчи мураббийи Жасур Абдураимов эгаллади. Абдураимов 16 март куни клуб аъзоларига янги бош мураббий сифатида таништирилган. Жамоа шу куни Суперлига 2-тури доирасида «Бунёдкор»га қарши ўйнайди.
Шу тариқа Суперлига 2021 йилги мавсуми 1-тур ўйинларидан кейин иккинчи мураббий ўз лавозимини тарк этди. Аввалроқ «Навбаҳор» устози Нўмон Ҳасанов истеъфога чиқарилган ва унинг ўрнини Виктор Жалилов эгаллаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)