«Бавария» ярим ҳимоячиси Кингсли Коман мюнхенликлар клуби томонидан 50 минг евро миқдоридаги жаримага тортилди.
Футболчи жамоа машғулотларига хизмат машинаси ҳисобланган Audi’да эмас, ўзининг шахсий Mercedes’ида келган.
Қўриқлаш хизмати Команни автотураргоҳга киритмаган. Натижада франциялик футболчи машинасини кўчада қолдиришга мажбур бўлган. Энди футболчига жарима тўлаш мажбурияти юкланади.
Қоидага кўра «Бавария» футболчилари машғулот ва ўйинларга келишда, шунингдек, иш билан боғлиқ учрашувларда фақат расмий ҳомийлар — Audi ва Volkswagen автомобилларидан фойдаланиши керак. Бу қоида ҳақида «Бавария» спорт директори Ҳасан Салиҳамиджич январь ойида маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)