«Реал» ҳужумкор ярим ҳимоячиси Эден Азар жароҳат олди.
Аввалроқ «Реал» футболчи бел мушакларини шикастлаб олгани ҳақида маълум қилганди.
АS маълумотларига кўра, 30 ёшли футболчи мазкур жароҳат сабаб тахминан бир ой майдонга туша олмайди.
Энг оптимистик вариантда Азар «Барселона»га қарши кечадиган 11 апрель кунги ўйинга қадар сафга қайтади.
Азар «Реал»га келганидан бери жароҳат сабаб 320 кун мобайнида мадридликларга ёрдам бера олмади. Бу футболчи учун «Реал» сафидаги ўнинчи жароҳат бўлди.
Бельгиялик футболчи 2019 йилнинг ёзида «Челси»дан «Реал» сафига ўтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)