Тошкентнинг Шайхонтоҳур туманида жойлашган Evos умумий овқатланиш шохобчасида ёнғин юз берди.
ФВВ матбуот хизматининг маълум қилишича, ёнғин 14 март куни соат 20:32 да содир бўлган ва шохобчанинг 10 квадрат метр майдони зарар кўрган. Воқеа жойига Тошкент шаҳар Фавқулодда вазиятлар бошқармасининг ёнғин-қутқарув гуруҳи соат 20:32 да етиб бориб, 20:46 да ёнғин тўлиқ бартараф этилган.
Ҳодиса оқибатида жабрланган ва ҳалок бўлганлар йўқ. Ёнғиннинг тахминий сабаби ва зарари аниқланмоқда.
Аввалроқ Тошкентдаги «Шовотландия» кафеси ёқиб юборилиши оқибатида беш киши — икки нафари эркак, уч нафар аёл ҳалок бўлгани, қасддан ёқиб юборган шахс ушлангани ҳақида хабар берилганди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)