Кунлардан бир куни ўз кумирларига ўхшашга қарор қилган ва бу мақсад йўлида миллионлаб пул сарфлаган мухлислар ҳақида маълумот берамиз.
Надя Сулаймон – Анжелина Жоли
Актрисанинг энг таниқли мухлисларидан бири бўлган Надя, унинг нафақат ташқи кўриниши, балки яшаш тарзига ҳам тақлид қилади. Пластика операция ҳеч нарса эмас, Жолининг ортидан у ҳам кўп фарзандли она бўлишга қарор қилган. Фарқ шундаки, Анжелина болаларини асраб олган, Надя эса уларни ўзи дунёга келтирган. Бугунги кунда унинг 14 нафар фарзанди бор.
Хонг Юх Рюм – Миранда Керр
Хонг пластик жарроҳларга Мирандага ўхшатиб беришни сўраб мурожаат қилган. Кумиридек кўринишга эга бўлиш учун Хонг юз, бурун, шунингдек, кўз ва лаб шаклини ҳам ўзгартирган. Сочларини оч рангга бўяган ва Миранда сингари макияж ҳамда бўянишни ўрганган.
Клэр Лисон – Ким Кардашьян
Ташқи кўриниши сабаб синфдошларининг танқидлардан чарчаган Клэр, кумири Кимга ўхшаш учун 50 минг долларга яқин пул сарфлаган. Пластик операция қилдирган ва косметика сотиб олган.
Мила Синанаж – Ким Кардашьян
Мила эса Кимдек кўринишга эга бўлиш учун 30 минг доллар сарфлаб бир нечта пластик операциялар қилдирган. Аммо бу ҳали ҳаммаси эмас, Мила Кимнинг собиқ севгилиси Крис Хемфрис билан ҳам учрашган.
Динна Мария Трего – Леди Гага
Леди Гаганинг мухлиси Динна эса ўзгариш учун 100 минг доллардан ортиқ пул сарфлаган. У севимли хонандасига қуйиб қўйгандек ўхшаш истагида пластик операция қилдиришда давом этмоқда.
Эшли Хорн – Линдси Лохан
Линдсининг ўгай синглиси Эшли унга ўхшаш учун ўлиб қутилади. Қизиғи, ўзини Линдсидан ҳам гўзалроқ деб ҳисоблаган қиз унга ўхшаш учун 30 минг доллар ишлатган.
Микки Жей – Майкл Жексон
Уч фарзанднинг отаси Микки, Майклдек бўлиш учун 15 минг долларга яқин пул сарфлаган. Поп қиролига ўхшаш кетидан Жей йилига 250 мингга яқин даромад топади.
Дебора Девенпорт – Кейт Уинслет
Америкалик Дебора Девенпорт кумири, актриса Кейтга ўхшаш учун 15 минг долларга яқин пул сарфлаган. Бурун ва яноқлари шаклини ўзгартирган қиз, мунтазам равишда пешонаси ва кўзининг атрофига ботекс қилдиради.
Изоҳ (0)