Гўзаллик ва миллионлар: бой ҳамда нуфузли инсонларга турмушга чиққан 5 модель (фото)

«Золушка»лар рўйхатида нафақат мода оламида карьерасига эга, балки ҳашаматли ҳаётга ҳам эришган моделлар ўрин олган. Улар турмуш ўртоқ сифатида рафиқаси учун пулини тежамайдиган бадавлат инсонларни танлаган.

Наталья Водянова ва Антуан Арно

2016 йил Наталья Водянова бешинчи фарзанди – LVMH компанияси, шунингдек, Kenzo, Louis Vuitton, Givenchy ва бошқа кўплаб брендлар бошқарувини ўз ичига олган француз бизнесмени Антуан Арнонинг ўғли − Романни дунёга келтирди.

Арно Наталья билан учрашган вақтда, у бир неча йилдан буён инглиз лорди Жастин Портман билан турмуш қурган ҳамда уч фарзанднинг онаси эди. Дастлаб улар орасида иш юзасидан муносабатлар пайдо бўлган. Аммо кейинчалик Натальянинг оиласида келишмовчиликлар бошлангач, у Арнога ҳамкасби сифатида қарамасликни бошлаган. «Бизда бир қарашда муҳаббат бўлмаган. Аввалига мен ўзим учун истеъдодли, сезгир, кўп қиррали ижодкор инсонни кашф этдим. Уни кўпроқ билиш мен учун қизиқ эди», − дейди Наталья.

Елена Перминова ва Александр Лебедов

Елена Перминова – яна бир миллионерни забт эта олган гўзал модель. Унинг ҳикояси худди эртакка ўхшайди. Тадбиркор, собиқ депутат – Александр Лебедов Еленанинг ҳаётида қаҳрамон сифатида пайдо бўлган. Елена 17 ёшдалигидаёқ севгилиси туфайли гиёҳванд моддалар савдоси билан шуғулланган. Ўша вақтда Лебедов қизни ҳимоя қилиб, унга нисбатан адолатсиз айбловларга йўл қўймайди. Шундан сўнг Лена қаҳрамонига кўнгил қўйган, гарчи уларни орада 25 ёш ажратиб турса ҳам. Уларнинг ҳозирда икки ўғил ва бир қизи бор.

Наташа Поли ва Питер Беккер

Наташа Полевшикова ўзининг «шаҳзода»си билан 18 ёшида, Куршевелда таътил вақти танишган. Тақдир истеъдодли моделни нафақат гўзаллик, балки ҳашаматли ҳаётни инъом этувчи бизнесмен билан учратди. Улар беш йиллик муносабатлар давомида дунё бўйлаб саёҳат қилди. Питер Наташанинг қўлини сўрашга қарор қилгач, Мальдивдаги бутун оролни ижарага олди.

Наташа турмушга чиқишга рози бўлганидан сўнг Питер ўз ватани Амстердам яқинида, дарё бўйида уч қаватли қаср қурди. 2011 йил 13 апрелда Наташа ва Питер Голландияда турмуш қурган. Motorли кемада бир кунлик саёҳатдан кейин хусусий самолётда Сен-Тропега ҳақиқий никоҳ маросимини нишонлаш учун учиб кетган. Тўйдан икки йил ўтиб, уларнинг оиласида қиз фарзанд дунёга келган.

Кендра Спирс ва Раҳим Ага Хан

Модель Кендра Спирс ва шаҳзода Раҳим Ага Ханнинг никоҳига на ёш, на дин, на маданиятлар орасидаги фарқ тўсқинлик қила олди. Улар 2013 йилнинг баҳор фаслида учрашган ва 4 ойлик муносабатдан сўнг ҳеч қачон айрилмасликка қарор қилган.

Кўпчилик валиаҳд шаҳзода 26 яшар рафиқасини тўйдан кейин тўрт девор ичига қамаб қўяди, деган гумонда эди. Аммо ислом динини қабул қилган модель исмини ўзгартирган. Малика Салва ҳанузгача фотосессияларда қатнашмоқда. Агахан оиласининг алоҳида давлати йўқ, аммо сулола бошлиғи низорий-исмоилийлар жамиятини бошқаради ва кўплаб курорт, қалъа ва йирик банк ҳисоб варағига эга. Айтганча, шаҳзоданинг оиласи моделларга бўлган муҳаббатни ирсиятдан деб билади. Чунки унинг бобоси Голливуд юлдузи Рита Хейвортга уйланган, Агаханнинг онаси ҳам битаниялик модель Сара Крокет-Пул.

Мелания ва Дональд Трамп

Словениялик Мелания Трамп собиқ модель бўлиб, у иш туфайли миллиардер Дональд Трамп билан учрашган: 1999 йилда Мелания унга тегишли «Allure» журналида суратга тушган. Орадан беш йил ўтиб, Мелания ўзидан 24 ёш катта бўлган тадбиркорнинг расмий хотинига айланди. Аммо бу вақтда Мелания ҳам ёш қизга эмасди: тўй вақтида у 34 ёшда эди. Кейинчалик Мелания Трамп президентлиги даврида АҚШнинг биринчи хонимига айланган.