Футбол бўйича Испания Ла Лигаси 18-турининг қолдирилган ўйинида Мадриднинг «Атлетико»си ўз майдонида 10 март, чоршанба куни Бильбаонинг «Атлетик»ини қабул қилди.
Ўйиннинг 21-дақиқасида меҳмонлар аъзоси Икер Муниаин гол уриб, жамоасини ҳисобда олдинга олиб чиқди. 45-дақиқада Маркос Льоренте мувозанатни тиклаган голга муаллиф бўлди. 51-дақиқада эса Луис Суарес 11 метрлик жарима зарбасини голга айлантириб, ўйиндаги якуний ҳисобни ўрнатди.
Мазкур ғалабадан сўнг Диего Симеоне қўл остидаги «Атлетико» очколари сонини 62 тага етказиб, Ла Лига мусобақа жадвалидаги пешқадамлигини мустаҳкамлаб олди. Мадрид клуби 2-ўриндаги «Барселона»ни олти, 3-ўриндаги ҳамшаҳари «Реал»ни эса саккиз очкога ортда қолдирмоқда. «Атлетик» бўлса 33 очкоси билан 8-ўринни банд этган.
Ла Лига
18-тур баҳси
10 март, чоршанба куни
«Атлетико М» – «Атлетик Б» 2:1
Голлар: 0:1 – 21 Муниаин, 1:1 – 45 Льоренте, 2:1 – 51, пенальти Суарес.
«Атлетико М» – Облак, Фелипе, Эрмосо, Триппьер, Савич, Лемар (Сауль, 67), ЛЁренте (Кондогбиа, 88), Карраско (Лоди, 89), Коке, Жоау Феликс (Корреа, 67), Суарес (Торрейра, 72).
«Атлетик Б» – Унаи Симон, Берчиче, Йерай Альварес, Де Маркос (Капа, 80), Нунес, Рауль Гарсия (Вильялибре, 73), Весга (Дани Гарсия, 59), Беренгер, Унаи Лопес (Венседор, 73), Муниаин (Морсило, 80), Уильямс.
Огоҳлантиришлар: Де Маркос (38), Весга (41), Фелипе (43), Лоди (90).
Изоҳ (0)