Bir vaqtlar moda chiqishlarida ishtirok etib, podiumlarni bezagan yulduzlarning farzandlari ham mashhurlik borasida onalaridan ortga qolmoqchi emas. Yosh bo‘lishiga qaramay, e’tiroflarga sazovor bo‘lgan modellar haqida ma’lumot berib o‘tamiz.
Vanessa Paradi va Lili-Rouz Depp
Jonni Deppning sobiq sevgilisi Vanessa 1991-yilda Vogue jurnalining muqovasi uchun suratga tushgan, keyinroq esa Chanel brendining elchisi bo‘lgan. Onasidan o‘rnak olishga qaror qilgan Lili ayni vaqtda reklamalarda suratga tushadi. Model sifatida esa u ilk bor Chanel chiqishlarida ishtirok etgan.
Sindi Krouford va Kayya Gerber
Kayaga onasidan nafaqat go‘zallik, balki iste’dod ham o‘tgan. Model sifatida faol karyera qilayotgan Gerber moda haftaliklarining doimiy ishtirokchisi sanaladi. Shuningdek, u bir qancha moda jurnallari uchun ham suratga tushadi. Qizini hamisha qo‘llab-quvvatlaydigan Sindi esa undan maslahat va tavsiyalarini ayamaydi.
Iolanda Foster, Jiji va Bella Hadid
Yoshligida eng talabgir modellardan bo‘lgan Iolanda 15 yildan ortiq ushbu sohada muvaffaqiyatli karyera qilgan. Qizlari esa bu borada undan ortda qolmadi. Bugungi kundagi eng yaxshi moda chiqishlarini opa-singil Hadidlarsiz tasavvur qilib bo‘lmaydi.
Monika Beluchchi va Deva Kassel
Go‘zallik borasida onasidan qolishmaydigan Devani moda olamida yorqin kelajak kutayotganiga shubha yo‘q. Kassel 2019-yilda onasi uzoq vaqtdan buyon hamkorlik qilib keladigan Dolce & Gabbana brendi bilan shartnoma tuzishga muvaffaq bo‘lgan. Brendning parfyumeriya tarmog‘i ambassadori bo‘lgan Deva atir reklamasida suratga tushgan. Modellikdan tashqari u musiqaga ham qiziqadi, gitara chalish va qo‘shiq kuylashni yaxshi uddalaydi.
Keyt Moss va Lila Greys Moss
Britaniyalik supermodelning qizi ham o‘zi singari sohibjamol va suratga tushishni qoyillatadi. O‘smirlik davridan moda sanoatini zabt etishni istagan Lilaga Keyt qarshilik qilmagan. Avvaliga reklama kampaniyalarida suratga tushgan Moss 2020-yilda Miu Miu’ning chiqishlarida ishtirok etgan. Qolaversa, u shu yilning o‘zida Vogue Italia jurnali muqovasini bezagan.
Izoh (0)