Олмалиқнинг ОКМК футбол клуби «Пахтакор» ҳимоячиси Акром Комилов трансферини эълон қилди.
ОКМК матбуот хизматининг маълум қилишича, жамоа Комиловнинг трансфер ҳуқуқини «Пахтакор»дан тўлиқ сотиб олган. Келишувнинг молиявий шартлари айтилмаган.
Чап қанот ҳимоячиси янги клубида 2-рақам остида ҳаракат қилади.
ОКМК Комиловни ПФЛ рўйхатидан ўтказган ва 9 март куни бўлиб ўтадиган «Локомотив»га қарши ўйин қайдномасига киритган.
Аввалроқ ОКМК Комиловни ижарага олганини эълон қилганди. Бироқ «Пахтакор» матбуот хизмати ҳимоячи ҳали жамоадан кетмагани ва Олмалиқ клуби билан музокаралар олиб борилаётгани ҳақида маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)