«Барселона» собиқ дарвозабони Виктор Вальдес каталонлар жамоасига қайтади.
Mundo Deportivo нашрининг хабар қилишича, Вальдес «Барселона»да дарвозабонлар мураббийи лавозимини эгаллайди.
Таъкидланишича, Хоан Лапорта президентликка сайланганидан кейин жамоанинг айрим соҳаларида кадрлар алмашинуви бўлади. Ушбу жараён доирасида Вальдес собиқ жамоасига қайтади.
Виктор 2019 йилда каталон клубида ишлашга улгурганди, ўшанда у «Барселона» U-19 жамоасини бошқариб борган ва кейинчалик истеъфога чиқарилганди. Мутахассиснинг сўнгги жамоаси Испания 4-лигаси вакили «Орта» клуби бўлиб, Вальдес у ерда 2021 йилнинг январига қадар фаолият юритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)