Германия терма жамоаси Йоахим Лёв Евро—2020 мусобақасидан кейин ўз лавозимини тарк этади.
61 ёшли мутахассис Германия футбол иттифоқидан ЖЧ—2022 якунига қадар мўлжалланган шартномани Европа чемпионатидан кейин бекор қилишни сўраган, дея хабар қилмоқда ташкилот матбуот хизмати. Иттифоқ мутахассиснинг аризасини қабул қилган.
Шу тариқа, германиялик мутахассис коронавирус сабаб 2021 йилнинг ёзига кўчирилган Евро—2020 мусобақасидан кейин ўз лавозимини тарк этади.
Лёв 2006 йилдан бери Германия терма жамоасини бошқариб келади. Унинг қўл остидаги жамоа 2014 йилги Жаҳон Чемпионати ғолиблигини қўлга киритди ва ЖЧ—2010 бронза медалларига эга чиқди. Шунингдек, Лёв жамоаси Конфедерациялар Кубоги—2017 чемпионлигини қўлга киритди. Европа Чемпионатида 2008 йил иккинчи бўлган бўлса, 2012 ва 2016 йилларда бронзага эга чиқди.
Лёв 2014 йилда ФИФА талқинига кўра йилнинг энг яхши мураббийи деб топилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)