Футбол бўйича Англия Премьер Лигаси 27-тури доирасида «Челси» клуби 8 март, душанба куни ўз майдонида «Эвертон»ни қабул қилди.
Ўйиннинг 31-дақиқасида Каи Ҳаверцнинг зарбаси мерсисайдликлар ҳимоячиси Бен Годфрига тегиб йўналишини ўзгартирди ва Жордан Пикфорд қўриқлаётган дарвозадан ўрин олди — 1:0. Биринчи бўлимда «Челси»нинг ҳисобдаги устунлиги сақланиб қолди. Иккинчи бўлимнинг 65-дақиқасида эса Жоржиньо меҳмонлар дарвозаси томон белгиланган 11 метрлик жарима зарбасини аниқ амалга ошириб, ўйинга якуний нутқани қўйди — 2:0.
«Челси» ушбу ғалабадан сўнг очколари сонини 50 тага етказди ва мусобақа жадвалида 4-ўринни банд этган. «Эвертон» эса 46 очкоси билан 6-ўриндан жой олган.
Турнинг сўнгги ўйинида «Вест Ҳэм» ўз уйида «Лидс»ни қабул қилиб, Жесси Лингард ва Крейг Доусоннинг голлари эвазига ғалабани қўлга киритди.
Мусобақа жадвали ҳозир қуйидагича ҳолатда:
АПЛ27-тур баҳслари8 март, душанба
«Челси» — «Эвертон» 2:0Голлар: 1:0 – 31, автогол Годфри, 2:0 – 65, пенальти Жоржиньо.
«Челси»: Менди, Жеймс, Зума, Аспиликуэта, Алонсо, Ҳаверц, Жоржиньо, Ҳадсон-Одои (Маунт, 66), Ковачич (Канте, 80), Кристенсен, Вернер (Пулишич, 90).
«Эвертон»: Пикфорд, Дин, Годфри, Ҳолгейт, Кин, Аллан, Ивоби (Дэвис, 56), Андре Гомеш (Бернард, 76), Сигурдссон (Кинг, 70), Кэлверт-Льюин, Ришарлисон.
Огоҳлантириш: Ҳолгейт (17), Дин (50), Дэвис (90).
«Вест Ҳэм» — «Лидс» 2:0Голлар: 1:0 – 21 Лингард, 2:0 – 28 Доусон.
«Вест Ҳэм»: Фабианьски, Крессуэлл, Доусон, Соуфал, Диоп, Лингард (Джонсон, 87), Райс, Форнальс, Соучек, Бенраҳма (Боуэн, 73), Антонио.
«Лидс»: Меле, Купер, Льоренте, Даллас, Эйлинг, Филлипс, Клих (Алиоски, 46), Рафинья, Элдер Кошта (Ҳаррисон, 46), Бемфорд, Роберц (Родриго, 60).
Огоҳлантиришлар: Филлипс (49), Лингард (79).
Изоҳ (0)