Буюк Британияда ҳавода «муаллақ турган» кемалар суратга олинмоқда. Бундай оптик иллюзияларни Арктикада мунтазам учратиш мумкин

Буюк Британиянинг Фалмут шаҳри портида ҳавода «муаллақ турган» кема пайдо бўлди. Бироқ у охир-оқибат оптик иллюзия бўлиб чиққан, деб ёзади Esquire.

Метеоролог Дэвид Брейннинг сўзларига кўра, сароб ҳаво ҳароратининг инверсияси сабаб юзага келиши мумкин — ёруғлик нурлари синадиган «алоҳида атмосфера шароитида». Бу каби ҳодисани Акртикада тез-тез учратиш мумкин, бироқ қишда Буюк Британияда бунақаси жуда кам содир бўлади. Оптик иллюзия ҳолатида горизонт чизиғидан пастда бўлган объектлар ҳам кўрина бошлайди.

https://www.instagram.com/p/CMCC42ZqPZQ/

Шу турдаги ҳодисани февраль бошида Колин Маккалум исмли фуқаро Шотландиянинг Банф шаҳрида кузатган. Унинг Daily Record нашрига тушунтиришича, кема булутсиз зонада жойлашган, шу сабабли осмон денгизда аксланган ва у билан қўшилиб кетган.

Аввалроқ ижтимоий тармоқларда «бутилка» чўқиштириб турган эркаклар тасвирланган яна бир оптик иллюзияли сурат кенг муҳокамаларга сабаб бўлгани тўғрисида хабар берилганди.