PlayStation 5 ўйин консоли сотувга чиққунига қадар ноодатий дизайни билан кўплаб муҳокамаларга сабаб бўлган эди. Айримлар уни катта маршрутизаторга (роутер) ўхшатган. PlayStation ихлосмандларидан бири қурилманинг ушбу хусусиятидан фойдаланиб, уни сотиб олиш учун рафиқасини алдаган, деб ёзади IXBT.
Вьетнамлик эркак PlayStation 5 сотиб олишни жуда ҳам истаган, бироқ рафиқаси бу қадар қиммат хариддан хабар топишини хоҳламагани учун уни замонавий маршрутизатор сифатида «таништирган». Эркак пухта тайёрланган — у уйга маҳаллий тармоқ провайдерининг махсус либосида келган дўкон ходимини ёллаб, янги «маршрутизатор»ни ўрнаттирган. Аёл шубҳаланмаслиги учун консол корпусига провайдер сервис марказининг рақамлари туширилган.
Геймер бу ҳақида ижтимоий тармоқ орқали маълум қилганидан сўнг воқеа бутун интернет бўйлаб тарқалиб кетди. «Шундай экан, аёлини алдашга муваффақ бўлганига қарамай, эртами, кеч у қўшнилар орқали бундан хабар топади», — дейилади хабарда.
Аввалроқ тайванлик эркак аёлини яқинда сотиб олган PlayStation 5 консолини ҳаво тозалагич деб алдаб келган. Тез орада аёл ҳақиқатдан хабар топиб, эрини консолни сотишга мажбур қилган.
Эслатиб ўтамиз, февраль ўрталарида ZHC ники остида танилган хорижлик блогер PlayStation 5’нинг уч метрли ишчи нусхаси тасвирланган видео билан бўлишганди — у оригинал консолдан деярли 100 баробарга катта.
Изоҳ (0)