«Ливерпуль» Премьер Лига доирасида бўлиб ўтган 7 март кунги ўйинда «Фулҳэм»га ютқазиб қўйди (0:1).
«Ливерпуль» 2021 йилда «Энфилд»да фақат битта гол уришга эришди. Муҳаммад Салоҳ «Манчестер Сити»га қарши ўйинда (1:4) пенальтини аниқ ижро этганди.
«Қизиллар» Европа топ-5 лигалари клублари орасида йил бошидан бери чемпионатда ўйиндан гол ура олмаган иккита жамоанинг бири бўлиб турибди. «Ливерпуль»дан билан бирга бу кўрсаткични Франция чемпионатининг сўнгги поғонасида бораётган «Дижон» қайд этмоқда.
Қайд этиш жоиз, 2021 йилги АПЛ уй ўйинларида «Ливерпуль» рақиблар дарвозаси томон 83 марта зарба берган, топ-5 лигаларда фақат бешта жамоа бундан яхшироқ натижага эга.
Юрген Клопп шогирдлари 28 ўйиндан кейин 43 очко билан 8-ўринда бормоқда.
Мавзуга доир: «Ливерпуль» Англия чемпионатида 69 йил ичидаги энг ёмон натижани қайд этди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)