Ижтимоий тармоқларда Тошкент шаҳри кўчаларида янги русумдаги Captiva автомобили акс этган фото ва видеолар тарқалди. Фойдаланувчилар томонидан янги Captiva Ўзбекистонда қачондан ишлаб чиқарилиши, уни қандай имкониятларга эгалиги ва бошқа турли саволлар қолдирилган.
Янги Captiva-5 юзасидан изоҳ олиш мақсадида «Дарё» мухбири UzAuto Motors компанияси матбуот хизмати раҳбари Зумрад Шожалилова билан боғланди.
Шожалилованинг маълум қилинишича, ушбу янги Captiva’нинг UzAuto Motors компаниясига ҳеч қандай алоқаси йўқ. «Кимдир ўз шахсий эҳтиёжи учун чет мамлакатдан олиб келган бўлиши мумкин», — деди у.
Аввалроқ Ўзбекистонга Chevrolet Onix’нинг синов учун намуналари олиб келингани тўғрисида хабар берилганди. UzAuto Motors бу моделни ишлаб чиқариш ҳақида 2019 йилдан бери гапириб келарди. Янги модель 9-12 минг доллар атрофида сотилиши кутилмоқда.
Изоҳ (0)