Фото: 900 от кучига эга двигатель ўрнатилган тилларанг Nissan GТ-R

Бирлашган Араб Амирликларида ноёб кузовга эга 2014 йилги «тилла» Nissan GТ-R сотувга қўйилди. Двигатели модификация қилинган ва 9600 километр йўл босган спорткар 435 минг долларга баҳоланган, деб ёзади Motor.

2016 йилда Nissan GТ-R SЕМА тюнинг-шоуси учун тайёрланган. Спорткарни қайта ишлаш жараёнида бир нечта ихтисослашган ателье иштирок этган. Модификация жараёнида спорткар бутунлай заводдаги бўёғидан тозаланган, шундан сўнг, автомобиль кузовига қўлда эксклюзив нақшлар чизилган ва GТ-R тилла рангига бўялган. Бундан ташқари, муҳандислар кузовнинг нометалл элементларида «тилла» эффектини яратишга муваффақ бўлган.

Спорткар ўзига хос диффузор, кенгайтирилган ғилдирак аркалари, шунингдек, газ чиқариш тизимининг тўртта титан трубасига, массив антиқанот ва қора рангли эксклюзив ғилдирак дискаларига эга бўлган. Тюнерлар машина интерьерини ҳам тилла рангига бўяшни давом эттирган. Марказий панел, ҳаво ҳайдагичлар ва эшикнинг ички қопламалари тилла ранги билан бўялган. Бундан ташқари, муҳандислар ковушсимон Recaro пойга ўриндиқларига эга бўлган.

Шунингдек, мутахассислар спорткарнинг куч агрегати устида ҳам иш олиб борган. Трубиналар ўрнатилгани сабаб 3,8 литрли V6 двигатели 900 от кучини тақдим этишга қодир. 2016 йилда эксклюзив лойиҳа миллион долларга баҳоланган. Айни вақтда «тилла» Nissan GТ-R 435 минг долларга сотилмоқда.

Аввалроқ америкалик харидор бир хил услубда тюнинг қилинган тўртта Chevrolet Tahoe сотиб олгани тўғрисида хабар берилганди.