Геленжик шаҳри администрацияси матбуот хизмати Россиядаги энг кекса ҳайдовчи ҳақида маълумот берди. Краснодар ўлкасида 100 ёшли рекордчи бўлиб, у ҳозирга қадар Mitsubishi Pajero’ни ҳайдаб келмоқда, деб ёзади Motor.
Краснодар ўлкасининг Архипо-Осиповка қишлоғида истиқомат қилувчи Иван Курбаков Россиядаги энг кекса ҳайдовчи сифатида тан олинган. 2020 йилнинг ноябрида эркак «Россиянинг рекордлар китоби»га киритилган. Ўша вақтда Иван Курбаков 99 ёш, 10 ой ва 17 кунлик бўлган.
Бироқ нафақахўрга мамлакатдаги энг кекса ҳайдовчи эканлигини тасдиқловчи сертификат бироз муддатдан кейин топширилган. Бу вақтга келиб эса эркак 100 ёшга тўлган. Иван Курбатов ҳамон ўзининг эски уч эшикли Mitsubishi Pajero’сини ҳайдаб юради.
Эслатиб ўтамиз, 2020 йилнинг октябрида Америка йўл ҳаракати хавфсизлиги суғурта институти тадқиқот ўтказиб, 70 ёшли ҳайдовчилар ўлим билан якунланаётган аварияларга 35-54 ёшлиларга нисбатан камроқ учрашини аниқлаган эди.
Изоҳ (0)