Печда пиширмай тайёрласа бўладиган, бир-биридан мазали 5 та ширинлик рецепти

Печда пиширишни талаб этмайдиган турли хил ширинликлар мавжуд. Бундан ташқари, улар одатий десертларга нисбатан тез тайёрланади ҳамда калорияси кам.

Оқ шоколаддан малинали чизкейк

Керакли маҳсулотлар:

• крекер – 1 стакан;
• пишлоқ – 500 грамм;
• оқ шоколад – 200 грамм;
• шакар упаси – 1 стакан;
• қаймоқ – 3 стакан;
• малина – 340 грамм.

1. Қандолат қолипига дастлаб крекер доначалари жойлаштирилади. Устидан икки қошиқ эритилган шоколад қуйилади. Юзасидан малинанинг бир қисми ёйиб чиқилади. Сўнгра яна эритилган шоколад қуйилади.
2. Қолип яхшилаб кўпиртирилган қаймоқ ва пишлоқ билан тўлдирилади. Чизкейкнинг юзаси силлиқланади. Юзаси малина ва шоколад билан безатилади. Музлаткичга камида бир соатга қўйилади.

Керакли маҳсулотлар:

• майдаланган печенье – 2 стакан;
• эритилган сариёғ – ¾ стакан;
• лимонли печенье – 1,5 қадоқ;
• сут – 1 стакан;
• кўпиртирилган қаймоқ – 220 грамм;
• қулупнай – 450 грамм.

1. Қандолат қолип ёғланади.
2. Майдаланган печенье эритилган сариёғ билан аралаштирилади. Қолипнинг таг қисмига жойлаштирилади.
3. Лимонли печеньелар сутга ботирилиб, сўнгра қолипга жойлаштирилади.
4. Кўпиртирилган қаймоқнинг бир қисми печеньелар устидан силлиқ ҳолга келгунча жойлаштирилади.
5. Қаймоқ устидан юпқа кесилган мевалар жойлаштирилади.
6. Шундан сўнг яна бир қатлам сутга ботирилган печеньелар териб чиқилади.
7. Кейин қаймоқ ва қулупнай ҳамда майдаланган печенье жойлаштирилади.
8. Тайёр бўлган торт 8 соатга музлаткичга қўйилади.

Керакли маҳсулотлар:

• сметана – 450 грамм;
• крекер – 200 грамм;
• желатин – 25 грамм;
• шакар – 5 ош қошиқ;
• шоколад – 30 грамм.

1. Желатин 5-10 дақиқа давомида сувга бўктирилади ва қиздириб олинади.
2. Сметана аввал шакар, сўнгра желатин билан аралаштирилади.
3. Қандолат қолипига махсус қоғоз жойлаштирилади. Сметанали аралашмага крекерлар солинади. Таъбга кўра мева ва шоколад ҳам қўшиш мумкин.
4. Масса қолипга солинади ва  қотгунича музлаткичга қўйилади.
5. Тайёр бўлгандан сўнг торт юзаси турли ширинликлар билан безатилади.

Керакли маҳсулотлар:

• пряник – 700 грамм;
• банан – 3 дона;
• ёнғоқ – 30 грамм;
• сметана – 700 грамм;
• шакар упаси – 200 грамм;

1. Пряниклар узунасига 3-4 қисмга бўлиб олинади. Бананлар эса паррак қилиб тўғралади.
2. Сметана ва шакар аралаштирилади.
3. Ёнғоқ майдаланади.
4. Қолип ичига махсус қоғоз қўйилади.
5. Сўнгра сметанали аралашма, пряник ва банан, устидан эса ёнғоқ жойлаштирилади. Устидан яна сметана билан ёпилади.
6. Бир кечага музлаткичда қолдирилади.
7. Тонгда таъбга кўра безаб, истеъмол қилиш мумкин.

Керакли маҳсулотлар:

• лаваш хамири – 1-3 дона;
• сут – 250 мл;
• тухум – 1 дона;
• сариёғ – 1 қадоқ;
• шакар упаси – 2 ош қошиқ;
• ун – 1 ош қошиқ;
• крахмал 0,5 ош қошиқ.

1. Тухум ва шакар аралаштирилади. Сўнгра ун, крахмал қўшиб, бир хил масса тайёрланади. Устидан сут қуйилади.
2. Ўртача оловда қайнагунча аралаштирилади.
3. Совигандан сўнг сариёғ қўшилади ва миксер ёрдамида қуюқлашгунча аралаштирилади.
4. Лаваш хамири бир хил ўлчамда айлана шаклида кесиб олинади.
5. Товада қуритиб олинади.
6. Махсус идишга хамирлар жойлаштирилади ва орасига тайёрланган крем суртилади.
7. Хамирнинг барча томони крем билан қоплангач, музлаткичга бир кечага қўйилади.
8. Тонгда ажойиб ширинликни истеъмол қилиш мумкин.