Pechda pishirmay tayyorlasa bo‘ladigan, bir-biridan mazali 5 ta shirinlik retsepti

Pechda pishirishni talab etmaydigan turli xil shirinliklar mavjud. Bundan tashqari, ular odatiy desertlarga nisbatan tez tayyorlanadi hamda kaloriyasi kam.

Oq shokoladdan malinali chizkeyk

Kerakli mahsulotlar:

• kreker – 1 stakan;
• pishloq – 500 gramm;
• oq shokolad – 200 gramm;
• shakar upasi – 1 stakan;
• qaymoq – 3 stakan;
• malina – 340 gramm.

1. Qandolat qolipiga dastlab kreker donachalari joylashtiriladi. Ustidan ikki qoshiq eritilgan shokolad quyiladi. Yuzasidan malinaning bir qismi yoyib chiqiladi. So‘ngra yana eritilgan shokolad quyiladi.
2. Qolip yaxshilab ko‘pirtirilgan qaymoq va pishloq bilan to‘ldiriladi. Chizkeykning yuzasi silliqlanadi. Yuzasi malina va shokolad bilan bezatiladi. Muzlatkichga kamida bir soatga qo‘yiladi.

Kerakli mahsulotlar:

• maydalangan pechenye – 2 stakan;
• eritilgan sariyog‘ – ¾ stakan;
• limonli pechenye – 1,5 qadoq;
• sut – 1 stakan;
• ko‘pirtirilgan qaymoq – 220 gramm;
• qulupnay – 450 gramm.

1. Qandolat qolip yog‘lanadi.
2. Maydalangan pechenye eritilgan sariyog‘ bilan aralashtiriladi. Qolipning tag qismiga joylashtiriladi.
3. Limonli pechenyelar sutga botirilib, so‘ngra qolipga joylashtiriladi.
4. Ko‘pirtirilgan qaymoqning bir qismi pechenyelar ustidan silliq holga kelguncha joylashtiriladi.
5. Qaymoq ustidan yupqa kesilgan mevalar joylashtiriladi.
6. Shundan so‘ng yana bir qatlam sutga botirilgan pechenyelar terib chiqiladi.
7. Keyin qaymoq va qulupnay hamda maydalangan pechenye joylashtiriladi.
8. Tayyor bo‘lgan tort 8 soatga muzlatkichga qo‘yiladi.

Kerakli mahsulotlar:

• smetana – 450 gramm;
• kreker – 200 gramm;
• jelatin – 25 gramm;
• shakar – 5 osh qoshiq;
• shokolad – 30 gramm.

1. Jelatin 5-10 daqiqa davomida suvga bo‘ktiriladi va qizdirib olinadi.
2. Smetana avval shakar, so‘ngra jelatin bilan aralashtiriladi.
3. Qandolat qolipiga maxsus qog‘oz joylashtiriladi. Smetanali aralashmaga krekerlar solinadi. Ta’bga ko‘ra meva va shokolad ham qo‘shish mumkin.
4. Massa qolipga solinadi va  qotgunicha muzlatkichga qo‘yiladi.
5. Tayyor bo‘lgandan so‘ng tort yuzasi turli shirinliklar bilan bezatiladi.

Kerakli mahsulotlar:

• pryanik – 700 gramm;
• banan – 3 dona;
• yong‘oq – 30 gramm;
• smetana – 700 gramm;
• shakar upasi – 200 gramm;

1. Pryaniklar uzunasiga 3-4 qismga bo‘lib olinadi. Bananlar esa parrak qilib to‘g‘raladi.
2. Smetana va shakar aralashtiriladi.
3. Yong‘oq maydalanadi.
4. Qolip ichiga maxsus qog‘oz qo‘yiladi.
5. So‘ngra smetanali aralashma, pryanik va banan, ustidan esa yong‘oq joylashtiriladi. Ustidan yana smetana bilan yopiladi.
6. Bir kechaga muzlatkichda qoldiriladi.
7. Tongda ta’bga ko‘ra bezab, iste’mol qilish mumkin.

Kerakli mahsulotlar:

• lavash xamiri – 1-3 dona;
• sut – 250 ml;
• tuxum – 1 dona;
• sariyog‘ – 1 qadoq;
• shakar upasi – 2 osh qoshiq;
• un – 1 osh qoshiq;
• kraxmal 0,5 osh qoshiq.

1. Tuxum va shakar aralashtiriladi. So‘ngra un, kraxmal qo‘shib, bir xil massa tayyorlanadi. Ustidan sut quyiladi.
2. O‘rtacha olovda qaynaguncha aralashtiriladi.
3. Sovigandan so‘ng sariyog‘ qo‘shiladi va mikser yordamida quyuqlashguncha aralashtiriladi.
4. Lavash xamiri bir xil o‘lchamda aylana shaklida kesib olinadi.
5. Tovada quritib olinadi.
6. Maxsus idishga xamirlar joylashtiriladi va orasiga tayyorlangan krem surtiladi.
7. Xamirning barcha tomoni krem bilan qoplangach, muzlatkichga bir kechaga qo‘yiladi.
8. Tongda ajoyib shirinlikni iste’mol qilish mumkin.