Байрам дастурхони учун қўзиқорин ва пишлоқ солиб тайёрланадиган ўзига хос салат рецептини тақдим қиламиз.
Керакли маҳсулотлар:
- картошка — 3 дона;
- сабзи — 2 дона;
- қўзиқорин — 100 г;
- тухум — 3 дона;
- пишлоқ — 150 г;
- дудланган товуқ филеси — 200-250 г;
- майонез;
- туз;
- қизил карам;
- сув — 60-80 мл;
- кўк пиёз.
- Тухум, картошка ва сабзини сувда қайнатиб олинг.
- Сариғидан ажратилган тухум оқидан бирини музлаткичга қўйинг.
- Қолган тухум оқи ва сариғини, сабзавот ва пишлоқни алоҳида-алоҳида қилиб қирғичдан чиқаринг.
- Товуқ ва қўзиқоринни унча катта бўлмаган шаклда тўғранг.
- Салат соладиган идишга картошкани бир қатор қилиб солиб чиқинг.
- Устидан қўзиқорин, сабзи, пишлоқ ва тухум оқини солинг.
- Ҳар бир қаватдан аввал майонез суртишни унутманг.
- Салат устини тухум сариғи билан безанг.
- Тайёр салатни 2-3 соатга музлаткичга қўйинг.
- Музлаткичдан олишингиздан 15-20 дақиқа аввал карамни блендерда аралаштиринг ва сув қўшинг.
- Музлаткичдаги тухум оқини катта-катта тўғраб, карамли аралашмага қўшинг.
- 10 дақиқадан кейин човлидан ўтказинг.
- Ранг кирган тухум оқини салат устига сунбул кўринишида тахланг.
- Кўк пиёзни ўртасидан узунасига бўлиб, сунбул тагига поя ва барг кўринишига келтиринг.
- Тасма ясаш учун сабзидан фойдаланинг.
Мавзуга доир:
- Ўз қўлингиз билан туркча донер кабоб тайёрлаб кўринг
- Макаронга қийма ва қўзиқорин қўшиб итальянча «тимбал» пишириб кўринг
- Товуқ филесига сабзавот ва пишлоқ қўшиб, тушлик учун таом тайёрлаймиз
- Тушликка ўз қўлингиз билан нон кабоб тайёрланг
- Кечки овқатга уйғурча бешбармоқ пиширинг
- Турк ошхонасининг энг мазали нонуштаси — менемен тайёрлаймиз!
- Озарбайжонча қатиқли таом — довға пишириб кўринг
- Мазаси оғизда эрийдиган товуқли лағмон пиширамиз
- Сметанали соусда қовоқча ва помидор қўшиб — паприкаш тайёрлаб кўринг
- Кўп маҳсулот кетмайдиган мазали «Смак» салатини уйда тайёрлаш учун рецепт
Изоҳ (0)