Никарагуа пойтахти Манагуада аҳолини Россиянинг «Спутник V» вакцинаси билан эмлаш бошланди. Вакцинани биринчи бўлиб сурункали буйрак етишмовчилиги ва гипертония касаллиги бўлган 62 ёшли бемор олди. Бу ҳақда «Коммерсантъ» хабар берди.
Мамлакатда биринчи навбатда буйрак етишмовчилиги, юрак муаммолари ва саратон каби сурункали касалликлардан азият чекадиган беморлар вакцинация қилинади.
Никарагуада «Спутник V» 3 февраль куни рўйхатдан ўтказилган эди. Вакцинанинг биринчи партияси эса 25 февраль куни бепул етказиб берилди. Россиянинг «Спутник V» вакцинаси дунёнинг 30 дан ортиқ давлатида маъқулланган.
Аввалроқ «Спутник V» ишлаб чиқарувчилари «Спутник Лайт»ни рўйхатдан ўтказиш учун ариза берган эди. Ундан фойдаланишни март ойида бошлаш режалаштирилган. Унинг самарадорлиги паст, чунки унга вакцинанинг фақат битта компоненти қўшилган.
Аввалроқ Россияда «Спутник V» вакцинасининг нархи икки баравар пасайтирилгани ҳақида хабар берилган эди.
Изоҳ (0)