Orbital Assembly Corporation компанияси сунъий тортишиш кучига эга биринчи орбитал меҳмонхона — янги Voyager лойиҳаси тафсилотларини ошкор қилди. Бу ҳақда «Korrespondent.net» хабар берди.
Voyager станцияси концепцияси аввал NASA Аполлон дастурининг асосий яратувчилардан бири бўлган афсонавий ракета-қурувчи олим Вернер фон Браун томонидан ихтиро қилинган.
Концепцияга кўра, 200 метрлик ғилдирак айланиб, йўловчилар учун сунъий тортишиш кучи ҳосил қилинади.
Станция ўзига 400 нафаргача одам сиғдира олади. Улар учун ресторанлар, барлар, томоша заллари, кинотеатр ва концерт майдонлари, кутубхона, машғулот заллари ва спа-салонлар хизмат кўрсатади. Меҳмонлар 20х12 метр ўлчамдаги, ҳожатхона ва душга эга 24 та модулда яшайди.
Компания Марс яқинида диаметри 61 метр бўлган меҳмонхонанинг прототипини яратади. У ерда Ер гравитацияси 40 фоизни ташкил қилади. Конструкцияни STAR роботи қуради ва Калифорнияда синовдан ўтказилади.
Концепцияга кўра, мазкур меҳмонхонада космик сайёҳлар, олимлар ва космик агентликлар коинот тажрибаларини ва машғулотларини ўтказиши мумкин бўлади.
Компания станцияни қуриш ишларини 2025 йилда бошлашни ва бир неча йилда тугаллашни режалаштирмоқда.
Аввалроқ Халқаро космик станцияда (ХКС) АҚШнинг ракетага қарши мудофаа манфаатлари учун тажриба ўтказилиши ҳақида хабар берилган эди.
Изоҳ (0)