50 ёшдан кейин ейиш тавсия қилинмайдиган мевалар

Биз доимо меваларнинг соғлиғимиз учун қанчалик фойдали эканини таъкидлаб келамиз. Энди эса уларнинг зарарли томонлари ҳақида тўхталмоқчимиз. Асалнинг ҳам ози ширин. Меъёрга риоя қилинмаган ҳолларда ҳар қандай маҳсулот акс таъсир кўрсатиши мумкин. Мевалар фойдали, аммо ҳамма учун эмас.

Ёш ўтгани сайин ошқозон-ичак трактининг овқат ҳазм қилиш функциялари бузилади. Шу сабабли аввал бемалол ҳазм қилинган мевалар ёқимсиз оқибатларга олиб келиши мумкин. Қуйида кимларга қандай ҳолларда мазкур мевалар тавсия этилмаслиги ҳақида гаплашамиз.

Олма

Олманинг баъзи навлари таркибида кислота миқдори жуда юқори бўлиб, бу кўплаб касалликларнинг кучайишига сабаб бўлади. Мазкур мева панкреатит, холецистит, геморрой ва ярали колит билан оғриган беморлар учун хавфлидир. Шунингдек, қорин дам бўлишидан азият чекадиганлар учун ҳам олма тавсия этилмайди. Чунки олма кимёвий ишлов берилиши натижасида ўзида зарарли моддаларни, шу жумладан, пестицидларни тўплайди.

Пишиб етилган нок ошқозон кислотаси миқдорини ошириши мумкин, шу сабабли ҳам ошқозон-ичак касаллигига чалинганлар бу мевани емагани маъқул. Нокни бошқа мева ёки овқат, жумладан, ёғли ва дудланган гўшт, сут маҳсулотлари билан бирга ейиш ичак фаолиятининг зўриқишига олиб келади.

Таркибида шакар миқдори кўп бўлгани учун қандли диабетга чалинганлар банан ейишдан тийилгани яхши. Яшил банан метеоризмга олиб келиши мумкин, пишгани эса айниқса, сут қўшиб тайёрлангани (смузи) диареяни келтириб чиқаради.

Агар бета-блокатор қабул қилсангиз, банан қонда калий миқдори ошишига сабаб бўлади. Бу, айниқса, буйрак касаллигига чалинганлар учун хавфлидир.

Цитрус мевалар таркибидаги кислота ошқозон-ичак тракти ва сийдик пуфаги органларидаги шиллиқ пардани зарарлаши ва тиш эмалига таъсир қилиши мумкин. Айниқса, грейпфрут таркибидаги фуранокумаринлар туфайли кўплаб дорилар самарадорлиги пасаяди.

Қўллаш мумкин бўлмаган ҳолатлар:

• гастрит;
• ошқозон яраси;
• панкреатит;
• ошқозон кислотасининг ошиши;
• подагра;
• қандли диабет (апельсин ва мандарин тавсия этилмайди);
• буйрак ва жигар касалликлари (грейпфрут тақиқланади);
• менопауза.

Мазкур мева, айниқса, оғиз атрофида кучли аллергик реакцияларни келтириб чиқариши мумкин. Агар латексга аллергиянгиз бўлса, киви истеъмол қилманг. Банан каби кивида ҳам юқори калий миқдори муаммоси бўлиши мумкин.

Таркибида шакар миқдори кўп бўлгани сабабли узумни бошқа маҳсулот билан истеъмол қилиш тавсия этилмайди.

Қўллаш мумкин бўлмаган ҳолатлар:

• ўткир босқичдаги ошқозон ва ўн икки бармоқли ичак яраси;
• колит;
• диарея;
• қандли диабет;
• семизлик;
• гипертония;
• жигар циррози;
• кариес ва стоматит.

Мазкур меваларнинг зарарли томони — ширинлиги ва озуқавий толага жуда бойлигидир.

Ўрик ва шафтолини қандай ҳолларда емаслик лозим:

• қандли диабет;
• кислоталиликнинг ошиши;
• гастрит;
• қалқонсимон без билан боғлиқ муаммолар;
• диареяга мойиллик (сувсизланишни келтириб чиқаради);
• гепатит.

Буйракда муаммоси бўлганларга ушбу мева тақиқланади. Олхўри таркибида оксалат моддаси анча юқори бўлгани учун буйракда тош пайдо бўлишига сабаб бўлиши мумкин. Қандли диабет, холетцистит, панкреатит, спастик колит, аллергияга мойиллиги бор кишиларга ҳам олхўри ейиш тавсия этилмайди.