Шифокор Хуршид Аъзамхўжаев цистит касаллигини даволаш бўйича муҳим тавсиялари билан ўртоқлашади.
Цистит − бу қовуқ шиллиқ пардасининг яллиғланиши бўлиб, одатда аёллар циститга кўпроқ чалинади. Ер юзидаги аёлларнинг, деярли, ярми ҳаётида бир марта цистит бўлиб ўтган. Кўпинча бу касаллик 25 дан 30 ёшгача ёки 55 ёшдан ошган аёлларда кузатилади.
Циститнинг икки: ўткир ва сурункали тури мавжуд.
Касалликнинг келиб чиқиш сабаблари:
- Инфекция юқишидан − патоген бактериялар чов териси юзасидан, қин шиллиқ қаватидан, тўқималардан ва ичакдан пешоб йўлига кириб, юқорига кўтарилади ва қовуққа тушиб яллиғланади.
- Дорилар, радиация, заҳарли, кимёвий моддалар, паразитлар, аллергия таъсирида бўлиши мумкин.
- Лимфа томирлари орқали танадаги сурункали инфекция ўчоқларидан ўтиши мумкин.
- танадан совуқ ва заҳ ўтиши;
- гигиена қоидаларига риоя қилмаслик, ҳомиладорлик, туғиш, аёлларда менопауза, простата безининг яллиғланиши;
- жароҳатлар, уретрада тиббий манипуляциялардан кейин;
- қандли диабет, семириш, ўтроқ ҳаёт тарзи;
- кўп миқдорда аччиқ, шўр ва спиртли ичимликларни истеъмол қилиш.
- қориннинг пастки қисмида оғирлик;
- оғриқ;
- пешоб вақтида оғриқ;
- ачишиш ва ёниш ҳисси;
- лойқаланган ва кам миқдорда тез- тез пешоб;
- сийдикда шиллиқ ва қон пайдо бўлиши;
- пешоб чиқаришга ёлғон ва оғриқли истак;
- пешоб тутолмаслик;
- тана ҳароратининг кўтарилиши.
Цистит диагностикаси
- умумий қон таҳлили;
- умумий сийдик таҳлили;
- сийдикни бактериологик текшириш;
- сийдик пуфагининг УТТСи;
- цистоскопия.
- сурункали пиолонефрит ривожланиши;
- буйракнинг атрофияси ва буйрак етишмаслик касаллиги;
- агар даволанмаса, сийдик пуфаги кичраяди ва пешоб сақлаш функциясини тўлиқ йўқотиши мумкин.
- Касалликни даволаш пайтида бемор зироворларга бой, аччиқ, шўр, тузланган овқатлардан, спиртли ичимликлардан чекланиши ҳамда кунига 1,5-2 литр сув ичиши керак.
- Инфексион циститда антибиотиклар, фитопрепаратлар, яллиғланишга қарши, оғриқ қолдирувчи дорилар қўлланилади (дорилар турини ва дозасини шифокор белгилаб беради)
- Тос аъзолари инфекциясини даволаш.
Ўткир цистит даври 7-14 кун. Даволанишнинг биринчи ёки иккинчи кунида енгиллик пайдо бўлиши мумкин. Аммо сийдик таҳлиллари тўлиқ меъёрлашгунга қадар дориларнинг дозасини ва қўллаш частотасини тўхтатмаслик ёки камайтирмаслик керак. Агар даволаниш муддатдан олдин тўхтатилса, цистит белгилари яна пайдо бўлади. Фақат кейинги сафар уни даволаш қийинроқ бўлади, сурункали цистит ҳолатига ўтади.
Сурункали циститни даволаш мураккаб ва узоқ вақт талаб қилади. Шунинг учун шифокор назоратида ва қунт билан даволаниш керак. Фақат антибиотиклар, фитопрепаратларни ўзи камлик қилади, қўшимча иммуномодуляторлар, бактериофаглар, қон айланишини яхшилайдиган дорилар, витамин ва антиоксидантлар буюрилади.
Циститнинг олдини олиш
Кунига камида 1,5-2 литр суюқлик истеъмол қилиш, сурункали инфекция ўчоқларини даволаш, гинекологик ва андрологик касалликларни даволаш, гигиенага риоя қилиш, сийдик пуфагини вақтида бўшатиш, зировор, аччиқ, шўр таомлардан фойдаланишни чеклаш, танани совуқ ва заҳга нисбатан чиниқтириш зарур.
Изоҳ (0)