Шимолий Каролинада истиқомат қиладиган Эшли Тэйлор ва унинг турмуш ўртоғи соқчиликка Фред лақабли хўрозни ёллади. Бу ҳақда Meduza хабар беради.
Маълум қилинишича, урушқоқ хўроз сўрамасдан келган меҳмонларнинг кунини кўрсатади. Тэйлорлар хусусий уйда яшагани сабаб, Фред ушбу ҳудудда бемалол «патруллик» қила олади. Қўшнилар хўрознинг соқчилик қилиш одати билан яхши таниш бўлса, курьерларга буни қабул қилиш осон бўлмайди.
Буни қуйидаги видеога муҳрланган кадрлардан ҳам билса бўлади. Унда уйнинг эшиги олдида «посилка» қолдирмоқчи бўлган курьер хўроз билан келишмоқчи бўлгани, чалғитиш учун қўлларини юқорига кўтарганини, бунга жавобан Фред курьернинг орқасидан қувганини кўриш мумкин. Ушбу воқеадан кейин Тэйлорлар етказиб бериш хизмати ходимларидан кечирим сўраган. Аммо видеодаги кишини бошқа кўришмаган.
Бу ҳали ҳаммаси эмас, Фред Тэйлорлар уйига машинада келган «почталён»ларни ҳам илиқ кутиб олмаган. Сигнал чалиб уни ҳайдамоқчи бўлишганини ёқтирмаган хўроз, машинанинг капоти устига чиқиб бу ерда ким хўжайин эканлигини кўрсатиб қўймоқчи бўлган.