АҚШда ҳеч ким боқиб олишни хоҳламаган ит янги эгасининг ҳаётини сақлаб қолди (видео)

Қўшма Штатларда Сэди лақабли ит янги эгасининг ҳаётини сақлаб қолди. Esquire’нинг хабар беришича, бундан аввал бир нечта ҳайвонлар бошпанаси жониворни олиб қолишни рад этган.

Сэди одамларга ўргана олмаган, вазни ҳам тахминан 100 фунт (тахминан 45 килограмм)ни ташкил қилган. Шу сабабли учта ҳайвонлар бошпанаси уни боқиб олишни хоҳламаган.

Нью-Жерсидаги Ramapo-Bergen номли ҳайвонлари бошпанаси итга ёрдам беришга қарор қилган. «Мақсадимиз — борадиган жойи бўлмаган ҳайвонларга ёрдам бериш. Сэди кўмакка муҳтож эди», — дейди Ramapo-Bergen бош директори Меган Бринстер.

Охир-оқибат Сэдини Брайан Майерс исмли эркак боқиб олган. Эркакнинг айтишича, у бу итни кўриб, унга имконият бериш кераклигини тушунган.

Эркак аввалига уни бу муаммолардан қутқаряпман деб ўйлаган, аммо тақдирни қарангки, ит унинг ҳаётини сақлаб қолди. Майерсда инсульт содир бўлганда ит унинг ёнида бўлган ва унга телефонга етиб боришига ёрдам берган.

https://twitter.com/lrbarrit/status/1365453472636706818

Унинг сўзларига кўра, эркак итнинг бўйинбоғидан ушлаб олган. Ит уни хона бўйлаб телефон турган жойгача судраб борган. Майерснинг ҳайрон қолганига сабаб жонивор хизмат ити сифатида ўргатилмаган.

Ўша куни кечқурун уни Энгелвуд касалхонасига етказишган. У ерда бир неча ҳафта даволанган. Бир неча кундан сўнг Сэди уни кўргани келган.

«У югуриб келиб устимга сакраб, юзларимдан ялай бошлади, кўзойнагим ва ниқобим тушиб кетди. Мен бу итни яхши кўришимни тушундим», — дейди Майерс.

Аввалроқ машҳур қўшиқчи Леди Гаганинг иккита булдоги номаълум шахслар томонидан ўғирлаб кетилгани, кейинчалик эса номаълум аёл томонидан қайтариб берилгани ҳақида хабар берилган эди.