Қамчиқ довонидаги йўл-патрул хизмати отряди ходимлари томонидан қидирувда бўлган автомобиль ушланди. Бу ҳақда Йўл ҳаракати хавфсизлиги хизмати хабар берди.
Қайд қилинишича, Nexia-2 русумли, 40701ББА давлат рақам белгили автомобиль тўхтатилиб текширилганда, йўл ҳаракати қоидабузарликлари бўйича муддати ўтиб кетган 100 миллион сўмлик қарзи борлиги, умумий ҳисобда 28 марта йўл ҳаракати қоидасини бузгани ва қидирувга берилгани аниқланган.
Автомобиль вақтинчалик сақлаш учун жарима майдонига қўйилган.
Аввалроқ Андижонда 27 та машинаси бор шахсдан 81 та қоидабузарлик бўйича жарима ундирилгани, Ўзбекистонда маст ҳолда машина ҳайдаганларнинг транспорти мусодара этилиши ҳақидаги хабарлар рад этилгани тўғрисида хабар берилганди. Шунингдек, Тошкентда 174 маротаба қоидабузарлик содир этиб, жарима тўламаган ҳайдовчининг Lacettiъси хатланган эди.
Изоҳ (0)