1 май куни Чемпионлар Лигасининг 1/2 финал босқичидан ўрин олган ўйин бўлиб ўтди ва унда Дортмунднинг “Боруссия” ҳамда Франциянинг “ПСЖ” клублари тўқнаш келди. Ўйин “Сигнал Идуна Парк” стадионида (Дортмунд, Германия) бўлиб ўтди.
Учрашувни бош ҳакам сифатида Энтони Тейлор бошқариб борди. Унда мезбонлар 1:0 ҳисобида зафар қучди.
Дортмундликлар ҳимоячиси Матс Ҳуммелс учрашувнинг энг яхши футболчиси деб топилди. Немис футболчиси илк дақиқаларданоқ асосий таркибда майдонга тушди ва тўлиқ ўйнади.
“У тўп билан ҳам, тўпсиз ҳам ажойиб ҳаракат қилди. У ўзининг тажрибасини, хусусан, етакчилик қобилиятини намойиш этдиъ, — деди УЕФА техник кузатувчилар гуруҳи.
Эслатиб ўтамиз, Дортмунднинг “Боруссия” ҳамда Франциянинг “ПСЖ” клублари ўртасидаги жавоб ўйини 7 май куни бўлиб ўтади. Унга “Парк де Пренс” стадиони (Париж, Франция) мезбонлик қилади.
Изоҳ (0)