«Барселона» ҳужумчиси Лионель Мессининг 6 миллион евролик уйи Барселона шаҳридан узоқ бўлмаган Кастелдефелс шаҳарчасида жойлашган.
Ёрқин ва катта хонадон уч қаватдан иборат. Уйнинг деярли барча хоналари улкан деразалар билан қопланган. Уйнинг атрофи боғ билан ўралган, унинг таркибида барбекю тайёрлаш ва овқатланишга мўлжалланган жойлар ўрин олган.
Месси фарзандлари учун футбол майдони барпо қилган. Шунингдек, уйнинг ичида машғулот зали ҳам бор.
Мессининг уйи билан боғлиқ қизиқарли маълумотлар ҳам йўқ эмас. Масалан, Лионель уйни сотиб олган дастлабки йиллари қўшни хонадон эгаларининг шовқинидан безор бўлган. Икки ҳовли орасини девор билан тўсмоқчи бўлади, бироқ қўшнилар судга мурожаат қилишни айтиб, бунга йўл қўймайди. Натижада Лео қўшнисининг уйини ҳам сотиб олишга мажбур бўлади ва бу муаммодан қутулади.
Мессининг уйи Барселона халқаро аэропортидан узоқ бўлмаган ҳудудда жойлашган. Маълум бўлишича, Мессининг уйи юқорисидан самолётлар учиб ўтиши мумкин эмас. Шу сабаб аэропорт бир неча йилдан буён қўшимча учиш йўлакларини қўшиб, сиғимни кенгайтира олмаяпти.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)