Олий маълумотли бўлиш истагидаги қобилиятли, билими бор, лекин тақдир тақозоси билан орзусига эриша олмаган хотин-қизларни рағбатлантириш тизими жорий қилинади. Бу ҳақда Президент Шавкат Мирзиёев раислигида ўтказилган йиғилишда сўз юритилди, дея хабар бермоқда «Дарё» мухбири.
«Ота-онасининг биридан айрилган муҳтож қизлар, боқувчиси йўқ ёлғиз аёлларнинг контракт тўловини ҳокимият ва олийгоҳлар қоплаб беради. Бунда ҳар бир вилоят ҳокими маҳаллий бюджет ҳисобидан 100 нафар, ҳар бир олийгоҳ эса 50 нафардан хотин-қизларнинг контрактини тўлаб беришга масъул ҳисобланади.
Сенат раиси Танзила Норбоева ушбу ишларни ташкиллаштиришга шахсан бош-қош бўлади», – деди давлат раҳбари.
Мавзуга доир:
- Шавкат Мирзиёев: «Афсуски, барча аёлларга ҳам жамиятда ўрнини топиши учун муносиб шароит, имконият яратиб бера олмаяпмиз»
- «Энг ачинарлиси, аёлларни хўрлаш ва омма олдида сазойи қилиш оддий ҳолатга айланиб бормоқда» – Шавкат Мирзиёев
- «80 минг нафар хотин-қизнинг муаммолари 3 ойда ҳал этилди» – Шавкат Мирзиёев «аёллар дафтари» ҳақида
Изоҳ (0)