Қашқадарё вилоятининг Қарши шаҳрида «Ваз-2101» («Жигули») 15 ёшли қизни уриб кетди. Бу ҳақда ЙҲХББ матбуот хизмати хабар берди.
Маълум қилинишича, воқеа 19 февраль куни соат 09:00 ларда М.Жўрабоев кўчасида юз берган. 1987 йилда туғилган ҳайдовчи Л.Т. «Жигули»ни бошқараётиб, ушбу кўчада жойлашган «Асл савдо» дўкони рўпарасига етган вақтида йўлнинг қатнов қисмини кесиб ўтаётган пиёда, 2005 йилда туғилган қиз Б.З.ни уриб юборган.
Оқибатда қиз тан жароҳати олиб шифохонага ётқизилган. Ҳолат юзасидан Қарши шаҳар ИИО ФМБ ЙҲХБ томонидан суриштирув ишлари олиб борилмоқда.
Мавзуга доир:
Изоҳ (0)