Андрей Мягков ва Барбара Брильска ҳамда кино оламидаги бошқа 6 та энг гўзал жуфтлик (фото)

2021 йил 18 февраль куни машҳур рус актёри Андрей Мягков 82 ёшида вафот этди. Албатта, актёрнинг «Тақдир ҳазили ёки қушдек енгил бўлинг» фильмидаги Женя Лукашин роли унутилмас образлар қаторидан жой олган. Гўзал жуфтлик ролини ижро этган Андрей Мягков ва Барбара Брильскани ёдга олиш билан бирга, кино оламидаги яна 6 та партнёр ҳақида ҳам танишиб чиқишингиз мумкин.

Барбара Брильска ва Андрей Мягков

1975 йилда суратга олинган «Тақдир ҳазили ёки қушдек енгил бўлинг» фильмида Барбара ва Андрей жуфтлик ролини ижро этган бўлса-да, аммо ҳаётда улар бир-бири билан унчалик ҳам чиқиша олмаган. «Бизда ортиқча муносабатлар бўлмаган, гарчи Барбара жуда ёқимтой бўлса ҳам», – деб айтган марҳум актёр Андрей Мягков.

Жулия Робертс ва Ричард Гир

Жулия Робертс ва Ричард Гир иштирокидаги «Гўзал аёл» фильми ўтган асрнинг 90 йилларида суратга олинган. Фильм бутун дунё бўйлаб машҳурликка эришган. Юлдузлар бошқа фильмларда ҳам биргаликда роль ижро этган. Аммо улар мазкур картина орқали мухлислар ёдида сақланиб қолган.

Орнелла Мути ва Адриано Челентано

Орнелла Мути ва Адриано Челентано 1981 йилда суратга олинган «Телба ошиқ» фильмида жуфтлик ролини ижро этган. Мути ҳозир 65 ёшда, у ҳали ҳам ажойиб кўринишга эга. Челентано эса 82 ёшда ва у ижоддан тўхтаганича йўқ.

Анжелина Жоли ва Бред Питт

Жоли ва Питт биргаликда бир неча фильмларда роль ижро этган бўлса-да, улардан энг омадлиси 2005 йилда суратга олинган «Жаноб Смит ва Смит хоним» фильми эди. Уларнинг фильм намойишидан кейинги ҳаёти ҳам ҳавас қиларли даражада бўлган. Аммо жуфтлик ҳозирда ажрашиб кетган.

Леонардо Ди Каприо ва Кейт Уинслет 

1997 йил катта экранларга чиққан «Титаник» фильми жаҳон кинематографияси тарихида қолган. Фильм суратга олинганидан кейин уларнинг орасида дўстона муносабат сақланиб қолган ва оилавий байрамларда улар бир-бириникига ташриф буюради.

Нелли Уварова ва Григорий Антипенко

«Гўзал бўлиб туғилма» фильмида Нелли ва Григори ажойиб жуфтлик ролини ижро этган. Актёрлар ҳис-туйғуларнинг портлашини ишончли тарзда тасвирлаган. Лекин  ҳаётда бошқа-бошқа йўлдан кетган.

Сергей Безруков ва Екатерина Гусева

2002 йилда экранларни забт этган «Тўда» сериалида жуфтлик ролини ижро этган Безруков ва Гусева фильмдан ташқарида деярли алоқада бўлмаган. Уларнинг карьераси фильм намойишидан кейин бор-йўғи бир йил давом этган.