Ўзбекистонда январь ойида қанча транспорт воситаси ишлаб чиқарилгани маълум қилинди

Ўзбекистонда 2021 йилнинг январь ойида энг кўп ишлаб чиқарилган автомобиль Damas бўлди. Энг кам ишлаб чиқарилган автомобиль эса Lacetti. Бу ҳақда Давлат статистика қўмитаси хабар қилди.

Автомобиль ишлаб чиқариш саноатида 2021 йилнинг январь ойида ишлаб чиқарилган автомашиналар:

• Damas – 4335 дона;
• Labo – 670 дона;
• Cobalt – 101 дона;
• Nexia Т-250 – 88 дона;
• Spark – 39 дона;
• Lacetti/Gentra – 2 дона.

Қўмитанинг маълумотларига кўра, автобус ишлаб чиқариш саноатида 2021 йилнинг январь ойида 6 дона автобус ишлаб чиқарилган. Бу кўрсаткич ўтган йилнинг мос даврига нисбатан 88,2 фоизга камайган.

Қуйида 3 йилнинг шу даврида ишлаб чиқарилган автобуслар сони:

• 2019 йил январь – 74 та;
• 2020 йил январь – 51 та;
• 2021 йил январь – 6 та.

Шу билан бирга, қишлоқ хўжалиги техникаси ишлаб чиқариш саноатида 2021 йилнинг январь ойида 5 дона трактор ишлаб чиқарилган. Бу кўрсаткич ўтган йилнинг мос даврига нисбатан 80 фоизга камайган.

Ишлаб чиқарилган тракторлар сони:

• 2019 йил январь – 9 та;
• 2020 йил январь – 25 та;
• 2021 йил январь – 5 та.

Маълум қилинишича, 2021 йилнинг январь ойида қишлоқ хўжалиги техникаси ишлаб чиқариш саноатида жами 12 дона култиватор ишлаб чиқарилган.

Давлат статистика қўмитаси маълумотларига кўра, 2021 йилнинг январь ойида 250 дона юк автомобиллари ишлаб чиқарилган. Бу кўрсаткич ўтган йилнинг мос даврига нисбатан 8,1 фоизга камайган.

Ишлаб чиқарилган юк автомобиллари сони:

• 2019 йил январь – 367 та;
• 2020 йил январь – 272 та;
• 2021 йил январь – 250 та.

Бундан аввал Ўзбекистонда ҳар 100 та уй хўжалигига қанча автомобиль тўғри келиши маълум қилингани, электромобиллар импорти икки йилда 10 баробарга ошгани ҳамда Ўзбекистонда 2020 йилда автомобиль импорти экспортга нисбатан 2,3 бараварга кўп бўлгани ҳақида хабар берилганди.