O‘zbekistonda yanvar oyida qancha transport vositasi ishlab chiqarilgani ma’lum qilindi

O‘zbekistonda 2021-yilning yanvar oyida eng ko‘p ishlab chiqarilgan avtomobil Damas bo‘ldi. Eng kam ishlab chiqarilgan avtomobil esa Lacetti. Bu haqda Davlat statistika qo‘mitasi xabar qildi.

Avtomobil ishlab chiqarish sanoatida 2021-yilning yanvar oyida ishlab chiqarilgan avtomashinalar:

• Damas – 4335 dona;
• Labo – 670 dona;
• Cobalt – 101 dona;
• Nexia T-250 – 88 dona;
• Spark – 39 dona;
• Lacetti/Gentra – 2 dona.

Qo‘mitaning ma’lumotlariga ko‘ra, avtobus ishlab chiqarish sanoatida 2021-yilning yanvar oyida 6 dona avtobus ishlab chiqarilgan. Bu ko‘rsatkich o‘tgan yilning mos davriga nisbatan 88,2 foizga kamaygan.

Quyida 3 yilning shu davrida ishlab chiqarilgan avtobuslar soni:

• 2019-yil yanvar – 74 ta;
• 2020-yil yanvar – 51 ta;
• 2021-yil yanvar – 6 ta.

Shu bilan birga, qishloq xo‘jaligi texnikasi ishlab chiqarish sanoatida 2021-yilning yanvar oyida 5 dona traktor ishlab chiqarilgan. Bu ko‘rsatkich o‘tgan yilning mos davriga nisbatan 80 foizga kamaygan.

Ishlab chiqarilgan traktorlar soni:

• 2019-yil yanvar – 9 ta;
• 2020-yil yanvar – 25 ta;
• 2021-yil yanvar – 5 ta.

Ma’lum qilinishicha, 2021-yilning yanvar oyida qishloq xo‘jaligi texnikasi ishlab chiqarish sanoatida jami 12 dona kultivator ishlab chiqarilgan.

Davlat statistika qo‘mitasi ma’lumotlariga ko‘ra, 2021-yilning yanvar oyida 250 dona yuk avtomobillari ishlab chiqarilgan. Bu ko‘rsatkich o‘tgan yilning mos davriga nisbatan 8,1 foizga kamaygan.

Ishlab chiqarilgan yuk avtomobillari soni:

• 2019-yil yanvar – 367 ta;
• 2020-yil yanvar – 272 ta;
• 2021-yil yanvar – 250 ta.

Bundan avval O‘zbekistonda har 100 ta uy xo‘jaligiga qancha avtomobil to‘g‘ri kelishi ma’lum qilingani, elektromobillar importi ikki yilda 10 barobarga oshgani hamda O‘zbekistonda 2020-yilda avtomobil importi eksportga nisbatan 2,3 baravarga ko‘p bo‘lgani haqida xabar berilgandi.