Ортиқча вазн нафақат саломатлик, балки киши ўзини қандай ҳис қилишига ҳам таъсир қилади. Ушбу муаммолардан қутулиш учун эса ўз вақтида ширинликлардан тийилишни билиш керак.
Шакар кайфиятга таъсир қиладими?
Шоколад ёки пончик истеъмолидан кейин киши ўзини энергияга тўлгандек ҳис қилиш мумкин, аммо ўтказилган тадқиқотларда аслида кайфият кўтарилмаслиги, аксинча таъсир этиши аниқланган. Олимлар шакарнинг 60 ёшдан катта одамларда хавотир ошиши билан алоқадорлиги борлигини аниқлаган.
Шакар стрессга чидамлиликни камайтиради
Хавотир ва ташвишли вазиятларда ширинлик ейиш истаги пайдо бўлади, аммо бора-бора ширинликка ўрганиб қолган организмнинг стрессга нисбатан чидамлилиги пасайиб боради.
Қанд ва депрессия
Кечгача ишлаб, толиққандан кейин ширинлик истеъмолига бўлган талаб юқори бўлади. Шакарни ҳаддан ортиқ истеъмол қилгандан кейин мияда айрим моддалар дисбаланси юзага келади, бу эса депрессия бошланишига олиб келади.
Ширинликдан воз кечиш саросимага тушишга сабабчи бўлади
Ширинликдан воз кечиш жиззакилик, чарчоқ ва хавотирни ҳис қилишга сабаб бўлади. «Оқ наркотик» деб номланадиган шакар истеъмоли тўхтатилса, организмда худди зарарли одатлардан воз кечилгандагидек ҳолат кузатилади.
Ширинлик ўрнига нима еган яхши?
Чойли смузи
Керакли маҳсулотлар:
- Авокадо;
- Бодом ёғи — 1 чой қошиқ;
- Сут — 1 стакан;
- Оқсил кукуни;
- Долчин, ёнғоқ;
- Ванилин.
Барча маҳсулотларни блендерда аралаштириш керак. Чой ва асал ҳам қўшсангиз бўлади.
Тарвузли ширинлик
Керакли маҳсулотлар:
- Кесилган тарвуз — 4 стакан;
- Асал — 1 ош қошиқ;
- Лайма ёки лимон шарбати;
- Лайма ёки лимоннинг қирғичдан чиқарилган пўстлоғи.
Барча маҳсулотларни блендерда аралаштириб олгандан кейин музқаймоқ ёки оддий муз формасига солинг ва музлаткичга қўйинг.
Ширин картошка
Керакли маҳсулотлар:
- Зайтун ёғи — 0,5 стакан;
- Қизил ёки оқ мисо-пастаси;
- Туз;
- Картошка — 4 дона.
- Ширин картошкаларни ўртача катталикда кесиб олинг.
- Маринадлаш учун барча маҳсулотларни аралаштиринг.
- 200 даража оловда 20-25 дақиқа давомида пишириб олинг.
Изоҳ (0)