56 ёшида чин муҳаббатини топган 4 фарзанднинг отаси: «1+1» фильмидаги фалаж зодагон – Франcуа Клюзенинг ҳаёти ва ижоди (фото)

Франcуа Клюзе ёши улғайганидан сўнг шуҳрат қозонган машҳур инсонлардан бири. У йиллар давомида суратга тушиш ишлари билан банд бўлган бўлса-да, кўпинча «сояда» қолиб кетган. Унинг ижодий фаолияти салкам ярим асрга тенглигига қарамай, асосан «1+1» биографик фильмидаги ижроси билан томошабинлар ёдида қолган.

Актёрлик фаолиятининг бошланиши

Франcуа 1955 йил 21 сентябрда Франциянинг пойтахтида дунёга келган. Унинг отаси дори воситалари ишлаб чиқариладиган компанияда ишлаган. 8 ёшлигида онаси оиласини тарк этиб, севгилиси билан яшаши бўлажак актёрнинг юрагида чуқур из қолдирган ва оғир стрессни бошдан кечирган. Она эса болалари вояга етганида унинг бу қарорини тушунишига умид билдирган. Ўшандан кейин Франcуа онасини ҳафтада бир марта кўрар ва таътил вақтларида учрашар эди. Аммо отаси уйда ўғилларига ҳатто онаси ҳақида эслашни ҳам қатъиян ман этган.

Буларнинг барчаси Франcуа учун оғир маънавий зарар келтирган. Вояга етган бўлажак актёр ҳатто ёрдам сўраб психологга ҳам мурожаат қилган. У ўрта мактабни якунлагач, лицейга ўқишга кирган. Кейинчалик унинг ҳаётида кескин бурилиш юз берган. 18 ёшида Франcуа «Ламанчлик одам» театрлаштирилган спектаклини кўрганидан сўнг бутунлай фикри ўзгарди. Актёрлик карьераси ҳақидаги хаёл уни бир дақиқага ҳам тарк этмади. Шундан сўнг ўрта мактабни ташлаб, актёрлик курсига ёзилган.

Ижодий дебют

Уч йиллик курс тезда якунлангач, Франcуа саҳнада роль ижро эта бошлади. У телевизион спектаклларга ҳам, қисқа метражли фильмларга ҳам таклиф қилинган. 1980 йилда унда катта экранларга чиқиш имконияти мавжуд эди ва Клюзе буни ўтказиб юбормади. Актёр бутун умри давомида уни «Молотов коктейли» картинаси учун танловга таклиф қилган қилган Диана Кюридан миннатдор.

Дебют муваффақиятли ўтгач, фаолиятини эндигина бошлаган актёр таниқли француз режиссёри К. Шаброль томонидан эътироф этилган ва уни «Мағрурлик оти» фильмидаги асосий роллардан бирига тайинлаган. Ушбу картинадан сўнг актёр ва режиссёр ўртасидаги ҳамкорлик кўп йиллар давом этди. Шу билан актёр суратга тушиш ишлари билан банд бўлган ва «Сезар» мукофоти номзодига айланган.

2000 йилларда актёр берган интервьюларнинг бирида у ҳамиша оддий ва эътиборга лойиқ бўлмаган образларда намоён бўлганини маълум қилган. Илгари у қандай қилиб режиссёрларга ёқишни билмас эди, чунки унинг қиёфаси Голливудга мос келмаган. Аммо йиллар ўтгач, аслида оддий одамларни гавдалантириш энг қийин нарса эканлигини англаб етган.

Муваффақият чўққида

1984 йилда Клюзе барча француз актёрлари орзу қилган «Сезар» мукофотига номзод бўлди. Орадан беш йил ўтиб, режиссёр Блие актёрни «Сиз учун жуда чиройли» фильмига таклиф қилган ва у ерда машҳур актёр Жерар Депардье билан бирга ишлаган.

Голливуд лойиҳаларида ишлаш

1994 йил Клюзе биринчи бўлиб, режиссёр Р.Ольтменнинг махсус таклифига биноан АҚШга келган. Миллионлаб томошабинлар меҳрини қозонган «Юқори мода» комедиясида у эпизодик ролда иштирок этган. Аммо саҳнада актёр ҳақиқий Голливуд юлдузлари билан ёнма-ён ишлаган.

Яна бир америкалик режиссёр Л.Кесден Франсуага «Французча бўса» фильмида роль ўйнашни таклиф қилган. Гарчи Боб образи иккинчи даражали бўлса-да, Голливуд лойиҳасида иштирок этишнинг ўзи катта муваффақият ҳисобланар эди.

«Сезар»

Клюзе ушбу мукофотга бир неча бор номзод бўлган, аммо Г.Каненинг «Ҳеч кимга айтма» фильмида бош ролни ижро этганидан кейингина орзу қилган ҳайкалчага эришган. Ушбу қувончли воқеа 2007 йилда содир бўлган.

«1+1»даги роли билан Европа кинематография академияси томонидан ҳам юқори баҳоланган ва Клюзе ҳам мукофотга сазовор бўлган. Шуни таъкидлаш керакки, айнан ушбу фильм Э.Толенадо ва О.Накашни томонидан суратга олинганидан кейин актёр француз жамоатчилигининг таниқли ва севимли юлдузига айланган.

«1+1» фильми

Дунё томонидан эътиборга олинмаган икки ёлғиз одам ҳақидаги ушбу фильм киношунослар ва томошабинлар томонидан жуда юқори баҳоланган. Картина деярли ўнлаб обрўли номинацияларда намойиш этилган ва уларнинг баъзиларида ғолиб бўлган. Бундан ташқари, «1+1» француз кинематографияси тарихидаги энг кўп даромад олган картинага айланган. Актёр эса уч миллион доллардан ортиқ гонорар олган.

Шахсий ҳаёт

Онаси томонидан ташлаб кетилиши Франсуанинг аёллар билан муносабатига таъсир ўтказган. Уни алданиб қолиш қўрқуви бутун ҳаёти давомида таъқиб қилган. Франсуа 40 йилдан сўнггина ҳақиқий муҳаббатини учратишга муваффақ бўлган. Аммо унинг кўплаб меросхўрлари бор. 1984 йилда Актёрнинг Шанталь Перриндан Бланш исмли қизи дунёга келган. У йиллар ўтиб, отасининг касбини эгаллади.

90 йилларнинг бошида эса актёрнинг актриса Мария Трентиньян билан муносабатларидан сўнг унинг ўғли Пол дунёга келган. Бола 10 ёшига тўлганда, унинг онаси янги севгилиси томонидан шафқатсизларча ўлдириб кетилган. Шундан сўнг у ўз отаси Франсуа билан яшай бошлаган.

Валерия Боннетон билан 13 йиллик никоҳи давомида Жозеф ва Маргарит исмли фарзандлари туғилган. Актёр 4 фарзандини ҳам яхши кўради ва уларни эътибордан четда қолдирмайди.

Франсуа Клюзе ниҳоят бутун умр излаган севгилисни топишга муваффақ бўлди. У интервьюларнинг бирида иккита орзуси амалга ошганини айтиб ўтган: кино юлдузига айлангани ҳамда севимли рафиқаси билан учрашгани. Франсуа ва Нарцисс 2011 йилда турмуш қурган. Франсуа рафиқасини — бахтли қилган аёл сифатида таърифлайди.