Машҳур рус актёри Андрей Мягков 82 ёшида вафот этди. Бу ҳақда Чехов номидаги Москва бадиий академик театри матбуот хизматига таяниб, «РИА Новости» хабар берди.
Театр ва кино актёри, режиссёр, РСФСР халқ артисти Андрей Василевич Мягков 1938 йил 8 июлда Санкт-Петербургда туғилган.
Андрей Мягков Кимё-технология институтида таҳсил олган. Ҳаваскорларнинг бадиий чиқишларидан бирида унинг ижроси Москва бадиий академик театри мактаби ўқитувчисининг эътиборини тортган. 1965 йилда ушбу ўқув юртини тамомлаган Мягков «Современник» театрида актёрлик фаолиятини бошлаган. Актёр кейинчалик 1977 йилда Москва бадиий академик театрига ишга ўтган.
Актёрга 1975 йилда суратга олинган Эльдар Рязановнинг «Тақдир ҳазили ёки қушдек енгил бўлинг» фильмидаги роли машҳурлик олиб келди. Шунингдек, у Рязановнинг «Ишдаги ишқ» (1977) комедиясидаги Новосельцев роли билан ҳам томошабинлар ёдида қолган.
Сергей Овчаровнинг «Федот камонбоз ҳақида қисса» (2001) фильмидаги подшоҳ роли, «32 декабрь» ва бошқа фильмлардаги асосий роллари Мягковнинг кинодаги сўнгги иши ҳисобланади. Шунингдек, у Тимур Бекмамбетовнинг «Тақдир ҳазили. Давоми»да, Евгений Герасимовнинг «Туман тарқалмоқда» сериалида роль ижро этган.
Изоҳ (0)