Президентлар ҳам худди оддий инсонлар каби ёқтирган киноюлдузи билан танишиш, суратга олиш жараёнларини кузатиш, дастхат олиш, суратга тушиш ва чой устида суҳбат қуришни ёқтирса керак.
Бир неча йиллар аввал Россиянинг амалдаги президенти − Дмитрий Медведов Болливуднинг энг йирик кино саноати Yash Raj Films’га ҳам ташриф буюрган ҳамда унинг асосчиси Яш Чопра билан учрашган эди.
2011 йилда режиссёр Анубхав Сингх суратга олган фильм «Тасодифий кириш», яъни «Rа.One» деб номланган.
Матбуот анжуманининг расмий баёнотида Дмитрий Медведов 1972- ёки 1973 йилда томоша қилган биринчи ҳинд фильми «Жаноб 420» эканлиги, кейин уларнинг сони кўплигидан ҳаммасини ҳам эслай олмаслигини, шунингдек, улар қалбдан чуқур ўрин эгаллаганини маълум қилган.
Медведов Болливуд қироли – Шоҳрух Хон билан ва Раж Капурнинг набираси Карина Капур билан ҳам суҳбатлашган.
Биргаликда ўтган 20 дақиқа вақт мобайнида қаҳва ичиш билан бирга, Карина ва Шоҳрух Хон бир нечта рақсларни намойиш этган. Хавфсизлик сабабли фильмни тўлиқ суратга олиш жараёни кўрсатилмаган.
«Rа.One» «Робот» фильмининг ҳиндча вариант бўлиб, Россияда ушбу фильм интернет орқали кенг тарқалган эди. Картинанинг Болливуд версиясида эса бир қанча чекловлар мавжуд.
Фильмда дунё гўзали – нафақат Болливуд, балки Голливуд актрисаси ҳисобланган Приянка Чопра ҳам иштирок этган.
«Тасодифий кириш» картинаси Россияда намойиш этилган бўлса-да, кутилган натижага эришмаган. Аммо Шоҳрух Хон ҳанузгача энг кўп мухлисга эга актёр сифатида эътироф этилади.
Изоҳ (0)