Футбол бўйича Европа Чемпионлар Лигасининг нимчорак финал дастлабки учрашувидан ўрин олган навбатдаги икки баҳс 17 февраль, чоршанба куни бўлиб ўтди.
«Ювентус» Португалиянинг «Порту» клуби майдонига сафар қилди. Учрашувнинг дастлабки дақиқасида Меҳди Тареми ҳимоячининг хатосидан фойдаланган ҳолда мезбонларни олдинга олиб чиқди. «Порту» иккинчи бўлимни ҳам тезкор гол билан бошлади: Мусса Марега жамоасининг иккинчи голига муаллиф бўлди. 82-дақиқага келиб Федерико Кьеза «Ювентус»нинг жавоб тўпини киритди. Жамоалар ўртасидаги жавоб учрашуви 10 март куни Италияда бўлиб ўтади.
Ушбу босқичнинг яна бир баҳси «Севилья» ҳамда «Боруссия Д» ўртасида кечди. Беллашувнинг 7-дақиқасида Сусо испанларни олдинга олиб чиқди. 19-дақиқада Маҳмуд Дауд мувозанатни тиклади. Бундан саккиз дақиқа ўтиб, Эрлинг Ҳоланд «Боруссия Д»нинг иккинчи голини урди. Норвегиялик ёш юлдуз биринчи бўлим якунида дубль қайд этди. Беллашувнинг 84-дақиқасида Люк де Йонг орадаги фарқни қисқартирди.
Ушбу жамоаларнинг нимчорак финал жавоб учрашуви 10 март куни бўлиб ўтиши режалаштирилган.
ЕЧЛ
1/8 финал, дастлабки баҳслари
17 февраль, чоршанба
«Порту» Португалия — «Ювентус» Италия 2:1
«Ювентус»: Шесни, Данило, де Лигт, Алекс Сандро, Кьеллини (Демирал, 35), Рабьо, Бентанкур, Кулусевски (Рэмзи, 77), Маккенни (Мората, 63), Кьеза, Роналду.
Огоҳлантиришлар: де Лигт (63), Данило (81), Демирал (87), Алекс Сандро (90).
«Севилья» Испания — «Боруссия Д» Германия 2:3
Голлар: 1:0 – 7 Сусо, 1:1 – 19 Дауд, 1:2 – 27 Ҳоланд, 1:3 – 43 Ҳоланд, 2:3 – 84 де Йонг.
«Севилья»: Буну, Диего Карлос, Эскудеро, Кунде, Навас, Фернандо, Ракитич (Гудел, 46), Сусо (де Йонг, 60), Жордан (Оскар Родригес, 72), Гомес (Оливер Торрес, 60), ан-Несири (Мунир, 60).
«Боруссия Д»: Ҳиц, Ҳуммелс, Морей, Аканжи, Геррейру (Пасслак, 77), Санчо, Дауд (Мене, 89), Жан, Беллингҳем, Ройс (Брандт, 80), Ҳоланд.
Огоҳлантиришлар: Ҳуммелс (73), Оскар Родригес (88), Ҳоланд (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)