Futbol bo‘yicha Yevropa Chempionlar Ligasining nimchorak final dastlabki uchrashuvidan o‘rin olgan navbatdagi ikki bahs 17-fevral, chorshanba kuni bo‘lib o‘tdi.
“Yuventus” Portugaliyaning “Portu” klubi maydoniga safar qildi. Uchrashuvning dastlabki daqiqasida Mehdi Taremi himoyachining xatosidan foydalangan holda mezbonlarni oldinga olib chiqdi. “Portu” ikkinchi bo‘limni ham tezkor gol bilan boshladi: Mussa Marega jamoasining ikkinchi goliga muallif bo‘ldi. 82-daqiqaga kelib Federiko Kyeza “Yuventus”ning javob to‘pini kiritdi. Jamoalar o‘rtasidagi javob uchrashuvi 10-mart kuni Italiyada bo‘lib o‘tadi.
Ushbu bosqichning yana bir bahsi “Sevilya” hamda “Borussiya D” o‘rtasida kechdi. Bellashuvning 7-daqiqasida Suso ispanlarni oldinga olib chiqdi. 19-daqiqada Mahmud Daud muvozanatni tikladi. Bundan sakkiz daqiqa o‘tib, Erling Holand “Borussiya D”ning ikkinchi golini urdi. Norvegiyalik yosh yulduz birinchi bo‘lim yakunida dubl qayd etdi. Bellashuvning 84-daqiqasida Lyuk de Yong oradagi farqni qisqartirdi.
Ushbu jamoalarning nimchorak final javob uchrashuvi 10-mart kuni bo‘lib o‘tishi rejalashtirilgan.
YChL
1/8 final, dastlabki bahslari
17-fevral, chorshanba
“Portu” Portugaliya — “Yuventus” Italiya 2:1
“Yuventus”: Shesni, Danilo, de Ligt, Aleks Sandro, Kyellini (Demiral, 35), Rabyo, Bentankur, Kulusevski (Remzi, 77), Makkenni (Morata, 63), Kyeza, Ronaldu.
Ogohlantirishlar: de Ligt (63), Danilo (81), Demiral (87), Aleks Sandro (90).
“Sevilya” Ispaniya — “Borussiya D” Germaniya 2:3
Gollar: 1:0 – 7 Suso, 1:1 – 19 Daud, 1:2 – 27 Holand, 1:3 – 43 Holand, 2:3 – 84 de Yong.
“Sevilya”: Bunu, Diyego Karlos, Eskudero, Kunde, Navas, Fernando, Rakitich (Gudel, 46), Suso (de Yong, 60), Jordan (Oskar Rodriges, 72), Gomes (Oliver Torres, 60), an-Nesiri (Munir, 60).
“Borussiya D”: Hits, Hummels, Morey, Akanji, Gerreyru (Passlak, 77), Sancho, Daud (Mene, 89), Jan, Bellinghem, Roys (Brandt, 80), Holand.
Ogohlantirishlar: Hummels (73), Oskar Rodriges (88), Holand (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)