COVID-19 инфекциясини юқтириш ҳолатлари ташқарида эмас, балки бино ичида содир бўлади. Бу ҳақда 17 февраль, чоршанба куни Буюк Британия ҳукуматининг илмий маслаҳатчиси Марк Вулҳаус маълум қилди, дея хабар қилмоқда «Известия».
«Далиллар вирус очиқ ҳавода яхши тарқалмаслигини кўрсатмоқда. Британияда эпидемия бошлангандан бери касаллик очиқ ҳавода юқишига оид жуда кам далиллар мавжуд», — деди мутахассис Британия парламентининг жамоатлар палатасидаги нутқи пайтида.
Бундан ташқари, экспертнинг фикрича, ҳукумат локдаунни қачон тугатиш юзасидан қарор қабул қилишда ушбу маълумотни ҳисобга олиши керак.
Эслатиб ўтамиз, Буюк Британияда коронавируснинг яна янги штамми пайдо бўлгани ва у ўнта мамлакатга тарқалишга улгургани ҳақида хабар берилганди.
Бундан аввал Россияда коронавируснинг «британча» штаммини аниқлайдиган биринчи тест рўйхатдан ўтказилгани, Буюк Британияда коронавирус билан касалланганлар сони 4 миллион кишидан ошгани ҳамда мазкур мамлакатда коронавируснинг «хавотирлироқ» тури аниқлангани ҳақида хабар берилганди.
Изоҳ (0)