COVID-19 infeksiyasini yuqtirish holatlari tashqarida emas, balki bino ichida sodir bo‘ladi. Bu haqda 17-fevral, chorshanba kuni Buyuk Britaniya hukumatining ilmiy maslahatchisi Mark Vulhaus ma’lum qildi, deya xabar qilmoqda “Izvestiya”.
“Dalillar virus ochiq havoda yaxshi tarqalmasligini ko‘rsatmoqda. Britaniyada epidemiya boshlangandan beri kasallik ochiq havoda yuqishiga oid juda kam dalillar mavjud”, — dedi mutaxassis Britaniya parlamentining jamoatlar palatasidagi nutqi paytida.
Bundan tashqari, ekspertning fikricha, hukumat lokdaunni qachon tugatish yuzasidan qaror qabul qilishda ushbu ma’lumotni hisobga olishi kerak.
Eslatib o‘tamiz, Buyuk Britaniyada koronavirusning yana yangi shtammi paydo bo‘lgani va u o‘nta mamlakatga tarqalishga ulgurgani haqida xabar berilgandi.
Bundan avval Rossiyada koronavirusning “britancha” shtammini aniqlaydigan birinchi test ro‘yxatdan o‘tkazilgani, Buyuk Britaniyada koronavirus bilan kasallanganlar soni 4 million kishidan oshgani hamda mazkur mamlakatda koronavirusning “xavotirliroq” turi aniqlangani haqida xabar berilgandi.
Izoh (0)