Chikagolik yozuvchi va gid Adam Selser avtoturargohni band qilish uchun muzlatilgan jinsilardan foydalangan.
Hafta boshida Chikagoda qor yog‘gan. Hamma issiq uyidan chiqmay o‘tirgan bir vaqtda Adam o‘ziga xos fleshmob boshlab yuborgan.
https://twitter.com/adamselzer/status/1358068573328015360
U avtoturargoh, yo‘l va hatto mashinalar to‘xtashi mumkin bo‘lmagan joylarda muzlatilgan jinsi turgani aks etgan suratlar bilan bo‘lishgan. Kadrlarga nazar tashlab, unda xuddi faqatgina jinsi kiyib olgan ko‘rinmas odam bordek tasavvurga ega bo‘lish mumkin.
Selser buning uchun jinsini ho‘llash va shakl berish uchun 20 daqiqa davomida sovuqda tutish kerakligini ta’kidlagan. Yana deyarli 20 daqiqadan keyin esa jinsi muzlaydi.
Aslida bu yo‘l bilan avtoturargohdagi joyni egallamoqchi bo‘lmagani, shunchaki, kulgili va ajoyib suratlar olmoqchi bo‘lganini ta’kidlagan Adam, endi ko‘ylak muzlatib ko‘rmoqchiligini ma’lum qilgan.
Yozuvchining ushbu g‘oyasidan ilhomlangan ayrim insonlar ushbu fleshmobni takrorlab ko‘rgan, deyiladi xabarda.
Izoh (0)